Nur-Sultanǵa jarysqa qatysý úshin kelgen sportshylar elordadaǵy qonaq úidiń birinde jaǵa jyrtysty, dep habarlaidy Zakon.kz portaly.
Qorǵaljyn tas jolyndaǵy qonaq úide belgisiz bireý er adamdy pyshaqtap, izin sýytqan. Politsiia qyzmetkerleri oqiǵa ornyna tez arada jetti.
Tekserý barysynda 15 maýsym kúni Aqtóbeden bir top jastyń elordaǵa qazaqsha kúresten respýblikalyq jarysqa kelgeni anyqtaldy.
"Jarys aiaqtalǵannan keiin 20 maýsymda olar qonaq úidegi bólmelerine kelgen. 21 jastaǵy eki jigittiń arasynda túsinbeýshilik paida bolyp, arty tóbeleske ulasqan. Sonyń saldarynan jigitterdiń biri ekinshisine keýde aimaǵynan pyshaq jaraqatyn salǵan. Zardap shegýshi aýrýhanaǵa jetkizildi", - dep habarlady Nur-Sultan qalalyq politsiia departamentiniń baspasóz qyzmeti.
21 jastaǵy kúdikti ustalyp, ýaqytsha ustaý izoliatoryna qamaldy.
Atalǵan fakti boiynsha qylmystyq is qozǵaldy. Tergeý amaldary júrgizilip jatyr.
Sonymen qatar, tergeý barysynda atalǵan jarysty uiymdastyrýshylarǵa baǵa beriledi.
