نۇر-سۇلتانعا جارىسقا قاتىسۋ ٷشٸن كەلگەن سپورتشىلار ەلورداداعى قوناق ٷيدٸڭ بٸرٸندە جاعا جىرتىستى, دەپ حابارلايدى Zakon.kz پورتالى.
قورعالجىن تاس جولىنداعى قوناق ٷيدە بەلگٸسٸز بٸرەۋ ەر ادامدى پىشاقتاپ, ٸزٸن سۋىتقان. پوليتسييا قىزمەتكەرلەرٸ وقيعا ورنىنا تەز ارادا جەتتٸ.
تەكسەرۋ بارىسىندا 15 ماۋسىم كٷنٸ اقتٶبەدەن بٸر توپ جاستىڭ ەلورداعا قازاقشا كٷرەستەن رەسپۋبليكالىق جارىسقا كەلگەنٸ انىقتالدى.
"جارىس اياقتالعاننان كەيٸن 20 ماۋسىمدا ولار قوناق ٷيدەگٸ بٶلمەلەرٸنە كەلگەن. 21 جاستاعى ەكٸ جٸگٸتتٸڭ اراسىندا تٷسٸنبەۋشٸلٸك پايدا بولىپ, ارتى تٶبەلەسكە ۇلاسقان. سونىڭ سالدارىنان جٸگٸتتەردٸڭ بٸرٸ ەكٸنشٸسٸنە كەۋدە ايماعىنان پىشاق جاراقاتىن سالعان. زارداپ شەگۋشٸ اۋرۋحاناعا جەتكٸزٸلدٸ", - دەپ حابارلادى نۇر-سۇلتان قالالىق پوليتسييا دەپارتامەنتٸنٸڭ باسپاسٶز قىزمەتٸ.
21 جاستاعى كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى.
اتالعان فاكتٸ بويىنشا قىلمىستىق ٸس قوزعالدى. تەرگەۋ امالدارى جٷرگٸزٸلٸپ جاتىر.
سونىمەن قاتار, تەرگەۋ بارىسىندا اتالعان جارىستى ۇيىمداستىرۋشىلارعا باعا بەرٸلەدٸ.
