Elordanyń bas memlekettik sanitar dárigeri 2020 jyldyń 3 tamyzynan bastap Nur-Sultan qalasynda qatań shekteý sharalaryn uzartý týraly qaýlyǵa qol qoidy. Qala turǵyndary jarlyqta kórsetilgen talaptardy qatań saqtaýǵa mindetti, dep habarlaidy "Ult aqparat".
«Oiyn-saýyq, sporttyq jáne basqa da buqaralyq is-sharalardy, sondai-aq otbasylyq, eske alý, forým, konferentsiia, seminar, jinalys jáne basqa da jiyndardy ótkizýge tyiym salynady. Sport jattyǵýyn tek jeke jáne ashyq aýada ótkizýge bolady. Jeke, 3 adamnan nemese bir otbasy múshelerinen basqa tabiǵatqa ekskýrsiia, korporativ, toptyq serýen uiymdastyrýǵa jáne ruqsat etilmegen jaǵajailarda shomylýǵa tyiym salynady», - delingen qaýlyda.
Sondai-aq, 65 jastan asqan adamdardyń qalada jáne basqa da qoǵamdyq oryndarda júrýine shekteý qoiylady.
«Turǵylyqty jerinen shyqqan kezden bastap maska kiiý boiynsha mindetti talaptardy saqtaý, 3 adamǵa deiin birge serýendeý kezinde adamdar arasynda keminde 2 metr áleýmettik qashyqtyqty saqtaý qajet. Jumysqa baryp-qaitýǵa, aýlalarda jáne saiabaqta, alańda, skverlerge, jaǵalaýǵa baryp serýendeýge - jeke, al birge qydyrǵanda 3 adamnan aspaityn toptarǵa ruqsat etiledi. Qoǵamdyq oryndarǵa, sonyń ishinde qalalyq qoǵamdyq kólikke jáne adam kóp jinalatyn obektilerge barý kezinde maska kiiý jáne antiseptik paidalaný jónindegi talaptardy qatań saqtaý kerek» delingen qaýlyda.
