Nur-Sultannan shyǵatyn qalaaralyq avtobýstardyń qozǵalysyna tyiym salyndy. Bul týraly elorda ákimi Altai Kólginov aitty, dep habarlaidy QazAqparat.
«Azamattardyń qaýipsizdigin qamtamasyz etý maqsatynda karantin engizýdi usyndyq. Búgin Premer-Ministrdiń tóraǵalyǵymen memlekettik komissiianyń otyrysy ótti. Komissiia otyrysynyń qorytyndysyna sáikes, 2020 jyldyń 19 naýryzynda saǵat 00.00-den bastap elorda aýmaǵyda karantin engizý týraly sheshim qabyldandy. Bul degenimiz - shekteý men baqylaý sharalary qaýipsizdik maqsatynda kúsheitiledi. Mysaly, avtovokzaldarda qalaaralyq avtobýstardyń qozǵalysyna tyiym salyndy», - dedi Altai Kólginov.
Onyń aitýynsha, elorda aýmaǵyna kirip-shyǵatyn jerlerde shekteý qoiylady. Kóliktiń barlyq túrleri kirip-shyǵatyn jerlerde koronavirýs infektsiiasyn juqtyrdy dep kúdik keltirilgen nemese juqtyrǵan adamdardy anyqtaýǵa arnalǵan qosymsha beketter ornatylady.
«Karantin men komendanttyq saǵatty shatastyrmaýǵa shaqyramyz. Sebebi, karantin - ol shekteý qoiý. Iaǵni, qajet bolmaǵan jaǵdaida adamdar kóp shoǵyrlanǵan jerlerge azamattardyń barýyna shekteý qoiylady. Eń aldymen, tártipke, odan keiin bizdiń nusqaýlarymyzdy, Densaýlyq saqtaý ministriniń nusqaýyn qatań ustanýǵa shaqyramyz», - dedi ol.
Aita keteiik, 19 naýryzdan bastap Nur-Sultan men Almaty qalalarynda karantin engiziledi.
