نۇر-سۇلتاننان شىعاتىن قالاارالىق اۆتوبۋستاردىڭ قوزعالىسىنا تىيىم سالىندى. بۇل تۋرالى ەلوردا ەكٸمٸ التاي كٶلگٸنوۆ ايتتى, دەپ حابارلايدى قازاقپارات.
«ازاماتتاردىڭ قاۋٸپسٸزدٸگٸن قامتاماسىز ەتۋ ماقساتىندا كارانتين ەنگٸزۋدٸ ۇسىندىق. بٷگٸن پرەمەر-مينيستردٸڭ تٶراعالىعىمەن مەملەكەتتٸك كوميسسييانىڭ وتىرىسى ٶتتٸ. كوميسسييا وتىرىسىنىڭ قورىتىندىسىنا سەيكەس, 2020 جىلدىڭ 19 ناۋرىزىندا ساعات 00.00-دەن باستاپ ەلوردا اۋماعىدا كارانتين ەنگٸزۋ تۋرالى شەشٸم قابىلداندى. بۇل دەگەنٸمٸز - شەكتەۋ مەن باقىلاۋ شارالارى قاۋٸپسٸزدٸك ماقساتىندا كٷشەيتٸلەدٸ. مىسالى, اۆتوۆوكزالداردا قالاارالىق اۆتوبۋستاردىڭ قوزعالىسىنا تىيىم سالىندى», - دەدٸ التاي كٶلگٸنوۆ.
ونىڭ ايتۋىنشا, ەلوردا اۋماعىنا كٸرٸپ-شىعاتىن جەرلەردە شەكتەۋ قويىلادى. كٶلٸكتٸڭ بارلىق تٷرلەرٸ كٸرٸپ-شىعاتىن جەرلەردە كوروناۆيرۋس ينفەكتسيياسىن جۇقتىردى دەپ كٷدٸك كەلتٸرٸلگەن نەمەسە جۇقتىرعان ادامداردى انىقتاۋعا ارنالعان قوسىمشا بەكەتتەر ورناتىلادى.
«كارانتين مەن كومەندانتتىق ساعاتتى شاتاستىرماۋعا شاقىرامىز. سەبەبٸ, كارانتين - ول شەكتەۋ قويۋ. ياعني, قاجەت بولماعان جاعدايدا ادامدار كٶپ شوعىرلانعان جەرلەرگە ازاماتتاردىڭ بارۋىنا شەكتەۋ قويىلادى. ەڭ الدىمەن, تەرتٸپكە, ودان كەيٸن بٸزدٸڭ نۇسقاۋلارىمىزدى, دەنساۋلىق ساقتاۋ مينيسترٸنٸڭ نۇسقاۋىن قاتاڭ ۇستانۋعا شاقىرامىز», - دەدٸ ول.
ايتا كەتەيٸك, 19 ناۋرىزدان باستاپ نۇر-سۇلتان مەن الماتى قالالارىندا كارانتين ەنگٸزٸلەدٸ.
