20 qazanda Nur-Sultanda Glovo tamaq jetkizý qyzmetiniń 70 shaqty jumysshysy narazylyqqa shyqty. Olar kilometrajdy esepteitin Google kartasynyń qosymshasymen jumys isteitin burynǵy júieni qaitarýdy talap etti. Bul jóninde Informburo saity habarlady, dep jazady Azattyq.
"Buryn Google kartasymen jumys istegen kezde tabysymyz basqasha bolatyn. Al qazir 2GIS-pen jumys isteimiz – ol úilerdiń arasyn esepteidi, al biz kólikpen júremiz ǵoi. Aitalyq, saiabaqty alsaq, ol saiabaq arqyly joldy esepteidi, al bizdiń saiabaqta júrýge quqymyz joq. Jaiaý júre almaimyz, sáikesinshe tabys ta az" dedi Glovo kýreri Erbol Jákenov.
Kýrerler kompaniia basshylyǵyna talaptaryn qarastyrýǵa eki-úsh kún bergen. Olar sol ýaqytqa deiin jumysty toqtatatynyn aitqan.
Aqparatqa qaraǵanda, sársenbi kúni Almatyda da Glovo kýrerleri ákimdik aldyna jinalǵan. Alaida eshqandai málimdeme aitylmaǵan.
Jumysshylardyń narazylyǵyn týǵyzǵan júiege Glovo kompaniiasy 2021 jyly qazanda kóshken. Qazir Nur-Sultanda karta synaqtan ótkizilip jatyr. Keiin basqa qalalardaǵy kýrerler de osy júiege kóshedi dep aitylady.
Qazaqstandaǵy Glovo kompaniiasynyń bas menedjeri Kárim Bogýspaevtyń sózine qaraǵanda, "osyǵan deiin kýrerler Google kartasynyń yńǵaisyzdyǵyna jii shaǵymdanǵan". Sodan keiin kompaniia máseleni zerttep, jańa kartany júiege engizgen.
Kompaniia ókilderiniń aitýynsha, álemde Glovo kompaniialary negizinen Google Maps'ti qoldanǵanmen 2GIS, Yandex.Maps siiaqty túrli kartalardy paidalana alady. Ony kýrerlerdiń ózderi tańdaýy tiis.
Informburo shilde aiynda narazylyqqa shyqqan Glovo kýrerleriniń Google-kartadan bas tartýdy da talap etkenin eske salady.
