20 قازاندا نۇر-سۇلتاندا Glovo تاماق جەتكٸزۋ قىزمەتٸنٸڭ 70 شاقتى جۇمىسشىسى نارازىلىققا شىقتى. ولار كيلومەتراجدى ەسەپتەيتٸن Google كارتاسىنىڭ قوسىمشاسىمەن جۇمىس ٸستەيتٸن بۇرىنعى جٷيەنٸ قايتارۋدى تالاپ ەتتٸ. بۇل جٶنٸندە Informburo سايتى حابارلادى, دەپ جازادى ازاتتىق.
"بۇرىن Google كارتاسىمەن جۇمىس ٸستەگەن كەزدە تابىسىمىز باسقاشا بولاتىن. ال قازٸر 2GIS-پەن جۇمىس ٸستەيمٸز – ول ٷيلەردٸڭ اراسىن ەسەپتەيدٸ, ال بٸز كٶلٸكپەن جٷرەمٸز عوي. ايتالىق, ساياباقتى الساق, ول ساياباق ارقىلى جولدى ەسەپتەيدٸ, ال بٸزدٸڭ ساياباقتا جٷرۋگە قۇقىمىز جوق. جاياۋ جٷرە المايمىز, سەيكەسٸنشە تابىس تا از" دەدٸ Glovo كۋرەرٸ ەربول جەكەنوۆ.
كۋرەرلەر كومپانييا باسشىلىعىنا تالاپتارىن قاراستىرۋعا ەكٸ-ٷش كٷن بەرگەن. ولار سول ۋاقىتقا دەيٸن جۇمىستى توقتاتاتىنىن ايتقان.
اقپاراتقا قاراعاندا, سەرسەنبٸ كٷنٸ الماتىدا دا Glovo كۋرەرلەرٸ ەكٸمدٸك الدىنا جينالعان. الايدا ەشقانداي مەلٸمدەمە ايتىلماعان.
جۇمىسشىلاردىڭ نارازىلىعىن تۋعىزعان جٷيەگە Glovo كومپانيياسى 2021 جىلى قازاندا كٶشكەن. قازٸر نۇر-سۇلتاندا كارتا سىناقتان ٶتكٸزٸلٸپ جاتىر. كەيٸن باسقا قالالارداعى كۋرەرلەر دە وسى جٷيەگە كٶشەدٸ دەپ ايتىلادى.
قازاقستانداعى Glovo كومپانيياسىنىڭ باس مەنەدجەرٸ كەرٸم بوگۋسپاەۆتىڭ سٶزٸنە قاراعاندا, "وسىعان دەيٸن كۋرەرلەر Google كارتاسىنىڭ ىڭعايسىزدىعىنا جيٸ شاعىمدانعان". سودان كەيٸن كومپانييا مەسەلەنٸ زەرتتەپ, جاڭا كارتانى جٷيەگە ەنگٸزگەن.
كومپانييا ٶكٸلدەرٸنٸڭ ايتۋىنشا, ەلەمدە Glovo كومپانييالارى نەگٸزٸنەن Google Maps'تٸ قولدانعانمەن 2GIS, Yandex.Maps سيياقتى تٷرلٸ كارتالاردى پايدالانا الادى. ونى كۋرەرلەردٸڭ ٶزدەرٸ تاڭداۋى تيٸس.
Informburo شٸلدە ايىندا نارازىلىققا شىققان Glovo كۋرەرلەرٸنٸڭ Google-كارتادان باس تارتۋدى دا تالاپ ەتكەنٸن ەسكە سالادى.
