Koronavirýs infektsiiasynyń taralýyna bailanysty halyqaralyq deńgeidegi barlyq is-shara ótkizilmeidi. Ne bolmasa olar keiinge shegeriledi. OKQ-da ótken baspasóz máslihatynda Saýda jáne integratsiia ministri Baqyt Sultanov málim etti, dep habarlaidy QazAqparat.
«Buǵan deiin jariialanǵanyndai, aldyn alý sharalarynyń biri retinde barlyq iri, buqaralyq is-shara bolmaidy. Astana ekonomikalyq forýmy biyl ótkizilmeidi», - dedi Saýda jáne integratsiia ministri.
Baqyt Sultanovtyń aitýynsha, Dúniejúzilik saýda uiymynyń 12-shi ministrlik konferentsiiasyn biyl Qazaqstanda ótkizý josparlanǵan. Qazaqstandyq tarap qazirgi ahýalǵa bailanysty uiymnyń bas hatshylyǵyna suraý joldap otyr.
«DSU ministrlik konferentsiiasy boiynsha biz Dúniejúzilik saýda uiymynyń hatshylyǵymen keńestik. Pandemiia jariialanǵannan keiin bul suraqty DSU hatshylyǵyna Bas keńestiń kezekti otyrysyna shyǵarýyn suradyq. Sheshimdi 164 eldiń bári qabyldaǵandyqtan bári de óz pikirin bildirýi tiis. Dúniejúzilik saýda uiymynyń barlyq eli bul problemamen betpe-bet kelip otyr. Soǵan qaraǵanda kele almaityn sekildi. Sheshim qabyldaýy úshin hatshylyqqa júgindik. Barlyq iri shara uiymdastyrylmaidy, ia bolmasa keiinge shegeriledi. Búkil álemde osylai. Bul erejeni biz de ustanýymyz kerek», - dedi ol.
Eske sala ketsek, QR Saýda jáne integratsiia ministri Baqyt Sultanovtyń Jenevaǵa saparynda Dúniejúzilik saýda uiymynyń 12-shi ministrlik konferentsiiasyn Qazaqstanda ótkizý týraly kelisimge qol qoiylǵan edi.
