Nur-Sultan qalasynda Disneyland oiyn-saýyq parkin salý josparlanýda. Bul týraly Nur-Sultan qalasy Investitsiialar jáne kásipkerlikti damytý basqarmasynyń basshysy Erlan Bekmyrzaev málim etti, dep habarlaidy QazAqparat.
«Disneyland boiynsha investor tartý úshin arnaiy jer telimin qarastyryp jatyrmyz. Ony infraqurylymmen, sýmen jáne elektr qýatymen jabdyqtaý qajet. Jaqyn arada jer ýchaskesin jáne investordy anyqtaimyz», - dedi E. Bekmyrzaev elordada Búkilálemdik týristik uiymnyń VIII jahandyq sammitinde.
Onyń aitýynsha, oiyn-saýyq nysany park retinde salynady.
«Disneyland óz qarajatyn aqtaityndai deńgeide salynýy tiis. Jyl boiy jumys isteý úshin ony jabyq park retinde oilanystyrǵan jón. Bizde Qyzylorda men Shymkenttegidei aýa raiy joq. Biraq, investor kelýi úshin jaǵdai jasaý qajet», - dedi basqarma basshysy.
Aita keteiik, elordada Búkilálemdik týristik uiymnyń (UNWTO) qala týrizmine qatysty VIII jahandyq sammiti bastaldy. Onda aqyldy qalalardy damytý arqyly qalanyń ózekti máselelerin sheshý, qalany basqarý, turaqty damý, innovatsiialar men tehnologiialar taqyryptary talqylanbaq. Jiynǵa álemniń 80 elinen 1400 qatysýshy jinaldy.
Shara barysynda QR Úkimetiniń basshysy Asqar Mamin Nur-Sultan qalasyn álemniń TOP-50 tartymdy týristik baǵytyna engizý kózdelip otyrǵanyn atap ótti.
Al Nur-Sultan ákimi Altai Kólginov qalanyń 1 millionnan astam turǵynynyń 700 myńy 35 jasqa deiingi jastar ekenin aitty.
