Búgin saǵat 20:00-de Nur-Sultanda qalanyń barlyq jańa jyldyq shyrshalary janady, dep habarlaidy ákimdiktiń baspasóz qyzmeti.
Olardyń sany 30-dan asady. Habar telearnasy «Ǵajaiyp shyrsha» qysqametrajdy filmin 19:50-de kórsete bastaidy, al 20:00-de EKSPO-da ornalasqan bas shyrshany jaǵýǵa daiyndalǵan beinerolik kórsetiledi.
On minýttyq filmniń ózi birneshe novelladan turady: igi ister, janýarlarǵa degen súiispenshilik pen qamqorlyq, ata-analarǵa degen qurmet pen qamqorlyq, otbasylyq qundylyqtar.
Sondai-aq, 22 jeltoqsanda «Úidegi shyrshany bezendirý» fleshmoby aiasynda azamattardy 22 jeltoqsanda saǵat 20.00-de óz úilerinde shyrshany jaǵýǵa qatysýǵa shaqyratyn beinerolik jariialandy. Bul fleshmobqa kez kelgen adam telefonǵa video nemese foto túsirip, áleýmettik jelilerge ornalastyra otyryp, Nur-Sultan ákimdiginiń paraqshasyn belgilei otyryp, #Meiirimdibolýádet, #Dobrotaobrazjizni, #Modnobytdobrym heshtegimen jariialai alady.
Jańa jyl qarsańynda elorda turǵyndary úshin beinequttyqtaýlar uiymdastyrylady. Oǵan tanymal adamdar, qazaqstandyq estrada juldyzdary, akterler jáne t.b. qatysady.
