بٷگٸن ساعات 20:00-دە نۇر-سۇلتاندا قالانىڭ بارلىق جاڭا جىلدىق شىرشالارى جانادى, دەپ حابارلايدى ەكٸمدٸكتٸڭ باسپاسٶز قىزمەتٸ.
ولاردىڭ سانى 30-دان اسادى. حابار تەلەارناسى «عاجايىپ شىرشا» قىسقامەتراجدى فيلمٸن 19:50-دە كٶرسەتە باستايدى, ال 20:00-دە ەكسپو-دا ورنالاسقان باس شىرشانى جاعۋعا دايىندالعان بەينەروليك كٶرسەتٸلەدٸ.
ون مينۋتتىق فيلمنٸڭ ٶزٸ بٸرنەشە نوۆەللادان تۇرادى: يگٸ ٸستەر, جانۋارلارعا دەگەن سٷيٸسپەنشٸلٸك پەن قامقورلىق, اتا-انالارعا دەگەن قۇرمەت پەن قامقورلىق, وتباسىلىق قۇندىلىقتار.
سونداي-اق, 22 جەلتوقساندا «ٷيدەگٸ شىرشانى بەزەندٸرۋ» فلەشموبى اياسىندا ازاماتتاردى 22 جەلتوقساندا ساعات 20.00-دە ٶز ٷيلەرٸندە شىرشانى جاعۋعا قاتىسۋعا شاقىراتىن بەينەروليك جارييالاندى. بۇل فلەشموبقا كەز كەلگەن ادام تەلەفونعا ۆيدەو نەمەسە فوتو تٷسٸرٸپ, ەلەۋمەتتٸك جەلٸلەرگە ورنالاستىرا وتىرىپ, نۇر-سۇلتان ەكٸمدٸگٸنٸڭ پاراقشاسىن بەلگٸلەي وتىرىپ, #مەيٸرٸمدٸبولۋەدەت, #دوبروتاوبرازجيزني, #مودنوبىتدوبرىم حەشتەگٸمەن جارييالاي الادى.
جاڭا جىل قارساڭىندا ەلوردا تۇرعىندارى ٷشٸن بەينەقۇتتىقتاۋلار ۇيىمداستىرىلادى. وعان تانىمال ادامدار, قازاقستاندىق ەسترادا جۇلدىزدارى, اكتەرلەر جەنە ت.ب. قاتىسادى.
