Nur-Sultan qalalyq Politsiia departamenti blokpostan ainalyp ótpek bolǵan 3 adamdy ustady, dep habarlaidy QazAqparat.
Politsiia departamenti olar blokpostan bir jarym shaqyrym jerdegi Nur-Sultan – Qostanai tasjolynan ustalǵanyn aitty.
«Karantin rejimi engizilgen elorda aýmaǵyna kirmek bolǵan Qajymuqan aýylynyń úsh turǵyny ustaldy. Olar qashyp qalaǵa kirmek boldy. Tótenshe jaǵdai rejimin buzbaq bolǵan adamdarǵa qatysty ákimshilik is qozǵaldy. Nur-Cultan qalasyndaǵy mamandandyrylǵan aýdanaralyq sottyń sheshimi boiynsha, zań buzýshylar 15 táýlikke qamalady», - delingen Politsiia departamentiniń baspasóz habarlamasynda.
Sondai-aq, politsiia qyzmetkerleri elordaǵa bara jatqan Aqmola oblysynyń turǵyndaryn ustaǵan.
«Mundai faktilerdiń aldyn alý úshin politsiia qyzmetkerleri dron qoldanyp, azamattardyń zańsyz áreketterin anyqtaidy. Osyndai jaǵdaidy boldyrmas úshin elordanyń shet jaǵyna kúzet qoiylady», - deidi politsiia qyzmetkeri.
