نۇر-سۇلتان قالالىق پوليتسييا دەپارتامەنتٸ بلوكپوستان اينالىپ ٶتپەك بولعان 3 ادامدى ۇستادى, دەپ حابارلايدى قازاقپارات.
پوليتسييا دەپارتامەنتٸ ولار بلوكپوستان بٸر جارىم شاقىرىم جەردەگٸ نۇر-سۇلتان – قوستاناي تاسجولىنان ۇستالعانىن ايتتى.
«كارانتين رەجيمٸ ەنگٸزٸلگەن ەلوردا اۋماعىنا كٸرمەك بولعان قاجىمۇقان اۋىلىنىڭ ٷش تۇرعىنى ۇستالدى. ولار قاشىپ قالاعا كٸرمەك بولدى. تٶتەنشە جاعداي رەجيمٸن بۇزباق بولعان ادامدارعا قاتىستى ەكٸمشٸلٸك ٸس قوزعالدى. نۇر-Cۇلتان قالاسىنداعى مامانداندىرىلعان اۋدانارالىق سوتتىڭ شەشٸمٸ بويىنشا, زاڭ بۇزۋشىلار 15 تەۋلٸككە قامالادى», - دەلٸنگەن پوليتسييا دەپارتامەنتٸنٸڭ باسپاسٶز حابارلاماسىندا.
سونداي-اق, پوليتسييا قىزمەتكەرلەرٸ ەلورداعا بارا جاتقان اقمولا وبلىسىنىڭ تۇرعىندارىن ۇستاعان.
«مۇنداي فاكتٸلەردٸڭ الدىن الۋ ٷشٸن پوليتسييا قىزمەتكەرلەرٸ درون قولدانىپ, ازاماتتاردىڭ زاڭسىز ەرەكەتتەرٸن انىقتايدى. وسىنداي جاعدايدى بولدىرماس ٷشٸن ەلوردانىڭ شەت جاعىنا كٷزەت قويىلادى», - دەيدٸ پوليتسييا قىزمەتكەرٸ.
