Biylǵy epidemiologiialyq jaǵdaiǵa jáne elordanyń bas sanitarlyq dárigeriniń qaýlysyna bailanysty Kreshenie merekesine arnalǵan oiyqtarda dástúrli jappai shomylý ótkizilmeidi, dep habarlaidy ákimdiktiń resmi saity.
18 qańtardan 19-yna qaraǵan túni pravoslav hristian dinin ustanýshylar úshin Kreshenie merekesi ótedi. Soǵan qarai, biyl epidemiologiialyq ahýaldyń turaqsyzdyǵyna bailanysty Nur-Sultanda arnaiy oiyq ornatylmaidy.
«Koronavirýs infektsiiasynyń taralýyna jol bermeý maqsatynda biyl kreshenie merekesine arnalǵan oiyqtarda dástúrli jappai shomylýǵa tyiym salynǵan. Qulshylyq etý kezinde sanitarlyq-epidemiologiialyq talaptar qatań saqtalýy tiis, iaǵni ǵibadathana ishiniń 30%-y ǵana tolýy tiis jáne buqaralyq is-sharalardy ótkizýge mindetti túrde tyiym salyný qajet», - dedi Nur-Sultan qalasynyń Bas memlekettik sanitarlyq dárigeri Sarhat Beisenova.
Din isteri basqarmasynyń basshysy Nurdáýlet Álmuhanovtyń aitýynsha, mereke kúnderi shomylýǵa jáne jurtshylyqtyń jinalýyna jol bermeý maqsatynda monitoringtik toptar kúsheitilgen rejimde jumys isteidi.
Esterińizge sala keteiik, qazirgi ýaqytta elorda koronavirýs boiynsha «qyzyl» aimaqqa ótip ketýdiń aldynda tur.
