Nur-Sultan qalasynyń politsiia departamenti júrgizýshilerge eskertý jasady, dep habarlaidy politsiia departamenti.
«Kólik keptelisinde qalmai, qalypty jyldamdyq pen qaýipsiz qashyqtyqty saqtaý úshin siz ózińizdiń baǵdaryńyzdy aldyn ala josparlaýyńyz kerek. Júrgizýshiler úshin eń qaýipti shaq - kólikterdiń tejeý qyzmetine kedergi keltiretin alǵashqy qardyń jaýǵan kezi. Osyǵan bailanysty sizden jazǵy dóńgelektermen jolǵa shyqpaýlaryńyzdy eskertemiz, - dedi Nur-Sultan PD ákimshilik politsiia basqarmasynyń bastyǵynyń orynbasary Symbat Shoqytaev.
Onyń málimetinshe elordada keiingi táýlikte 136 jol-kólik oqiǵasy tirkelgen. Bir kúnniń ishinde ǵana jol-kólik oqiǵalarynyń sany 45 paiyzǵa kóbeigen.
Aýa-raiynyń buzylýyna bailanysty politsiia bólimsheleri kúndiz kúsheitilgen rejimde jumys istep jatyr. Qala kóshelerin qardan tazartý úshin jeke quram mamandandyrylǵan tehnikalarǵa erip júredi. Qar qursaýynda qalǵan kólik ielerine barynsha kómek kórsetiledi.
