Nur-Sultanda bir adamǵa azyq-túlik satý boiynsha shekteý engizildi. Bul týraly Ortalyq kommýnikatsiialar qyzmetindegi brifingide Nur-Sultan qalalyq investitsiialar jáne kásipkerlikti damytý basqarmasynyń basshysy Erlan Bekmyrzaev aitty, dep habarlaidy "Ult aqparat".
«Búginnen bastap elordada karantin engizildi. Osyǵan bailanysty barlyq iri saýda oryndary jabylǵan. Olarda azyq-túlik pen qajetti taýarlardy satatyn nysandardan basqa dárihanalar, bankterdiń kassalary qalypty jumys isteidi. Sonymen qatar, joǵaryda kórsetilgen nysandar qalypty rejimde úzdiksiz jumys isteýin qamtamasyz etýge; sanitarlyq jáne dezinfektsiia sharalaryn kúsheitýge; kezekte turǵan satyp alýshylardyń arasynda 1 metr qashyqtyqty qamtamasyz etýge tiis», - dedi ol.
Munan bólek, onyń atap ótýinshe, áleýmettik mańyzy bar azyq-túlik ónimderi men negizgi qajetti taýarlarǵa baǵanyń negizsiz ósýine jol bermeýge, azyq-túlik taýarlarynyń onyń ishinde kókónister men jemisterden basqa sýsymaly taýarlar men keptirilgen jemis-jidekterdi qaptalǵan kúiinde satýǵa mindetti.
«Sýsymaly taýarlardy iaǵni qant, kúrish, qaraqumyq satýdy bir qolǵa 5 kelige deiin, kúnbaǵys maiyn - 5 litrge deiin shekteýi tiis. Qoǵamdyq tamaqtaný oryndary da, atap aitqanda meiramhanalar, dámhanalar, ashanalar jabylady. Sondai-aq, olar onlain tapsyrys berý men jetkizý boiynsha jumys istei alady. Karantin kezeńindegi elordanyń barlyq basqa sharýashylyq nysandary jumysy toqtatylýy tiis. Bul - májbúrli shara. Óitkeni adam densaýlyǵy basym bolýda. Sondyqtan túsinistikpen qaraýyńyzdy suraimyn», - dedi Erlan Bekmyrzaev.
