نۇر-سۇلتاندا بٸر ادامعا ازىق-تٷلٸك ساتۋ بويىنشا شەكتەۋ ەنگٸزٸلدٸ. بۇل تۋرالى ورتالىق كوممۋنيكاتسييالار قىزمەتٸندەگٸ بريفينگٸدە نۇر-سۇلتان قالالىق ينۆەستيتسييالار جەنە كەسٸپكەرلٸكتٸ دامىتۋ باسقارماسىنىڭ باسشىسى ەرلان بەكمىرزاەۆ ايتتى, دەپ حابارلايدى "ۇلت اقپارات".
«بٷگٸننەن باستاپ ەلوردادا كارانتين ەنگٸزٸلدٸ. وسىعان بايلانىستى بارلىق ٸرٸ ساۋدا ورىندارى جابىلعان. ولاردا ازىق-تٷلٸك پەن قاجەتتٸ تاۋارلاردى ساتاتىن نىسانداردان باسقا دەرٸحانالار, بانكتەردٸڭ كاسسالارى قالىپتى جۇمىس ٸستەيدٸ. سونىمەن قاتار, جوعارىدا كٶرسەتٸلگەن نىساندار قالىپتى رەجٸمدە ٷزدٸكسٸز جۇمىس ٸستەۋٸن قامتاماسىز ەتۋگە; سانيتارلىق جەنە دەزينفەكتسييا شارالارىن كٷشەيتۋگە; كەزەكتە تۇرعان ساتىپ الۋشىلاردىڭ اراسىندا 1 مەتر قاشىقتىقتى قامتاماسىز ەتۋگە تيٸس», - دەدٸ ول.
مۇنان بٶلەك, ونىڭ اتاپ ٶتۋٸنشە, ەلەۋمەتتٸك ماڭىزى بار ازىق-تٷلٸك ٶنٸمدەرٸ مەن نەگٸزگٸ قاجەتتٸ تاۋارلارعا باعانىڭ نەگٸزسٸز ٶسۋٸنە جول بەرمەۋگە, ازىق-تٷلٸك تاۋارلارىنىڭ ونىڭ ٸشٸندە كٶكٶنٸستەر مەن جەمٸستەردەن باسقا سۋسىمالى تاۋارلار مەن كەپتٸرٸلگەن جەمٸس-جيدەكتەردٸ قاپتالعان كٷيٸندە ساتۋعا مٸندەتتٸ.
«سۋسىمالى تاۋارلاردى ياعني قانت, كٷرٸش, قاراقۇمىق ساتۋدى بٸر قولعا 5 كەلٸگە دەيٸن, كٷنباعىس مايىن - 5 ليترگە دەيٸن شەكتەۋٸ تيٸس. قوعامدىق تاماقتانۋ ورىندارى دا, اتاپ ايتقاندا مەيرامحانالار, دەمحانالار, اسحانالار جابىلادى. سونداي-اق, ولار ونلاين تاپسىرىس بەرۋ مەن جەتكٸزۋ بويىنشا جۇمىس ٸستەي الادى. كارانتين كەزەڭٸندەگٸ ەلوردانىڭ بارلىق باسقا شارۋاشىلىق نىساندارى جۇمىسى توقتاتىلۋى تيٸس. بۇل - مەجبٷرلٸ شارا. ٶيتكەنٸ ادام دەنساۋلىعى باسىم بولۋدا. سوندىقتان تٷسٸنٸستٸكپەن قاراۋىڭىزدى سۇرايمىن», - دەدٸ ەرلان بەكمىرزاەۆ.
