Elordalyq bilim basqarmasy balabaqsha bóbekteriniń qurylys alańyna qashyp ketkeni úshin tárbieshi men meńgerýshini jaýapqa tartty, dep habaralidy QazAqparat.
«Áleýmettik jelide №73 «Aiaýlym» bóbekjai-balabaqshasy» MKQK janyndaǵy qurylys alańynda 4 bala júrgeni týraly beinematerial tarady. Atalǵan fakti boiynsha bilim basqarmasy №73 «Aiaýlym» balabaqshasyna baryp qyzmettik tekserý júrgizdi», - dep jaýap berdi qalalyq bilim basqarmasy.
Tekserý barysynda balabaqsha meńgerýshisi H. D. Taibókenovamen áńgime júrgizilip, túsindirme jazba alynǵan.
Tórt balanyń serýen kezinde balabaqsha aýmaǵynan qashyp ketkeni anyqtaldy.
Balalar qorshaýdaǵy kishkene tesik arqyly shyǵyp ketken. Az ýaqytta balalar keri qaitarylǵan.
«Qazirgi ýaqytta balalar baqshada, olardyń jaǵdaiy birqalypty. Balabaqshanyń meditsina qyzmetkeri tekserý júrgizdi. Búldirshinderdiń denesinen eshqandai jaraqat tabylǵan joq. Óz laýazymdyq mindetterine nemquraily qaraý faktisi boiynsha tárbieshi men sharýashylyq bóliminiń meńgerýshisi tártiptik jaýapkershilikke tartyldy. Balabaqsha meńgerýshisine qatysty bilim basqarmasynyń tártiptik komissiiasynyń otyrysynda qaraý úshin material daiyndaldy», - deidi bilim basqarmasy.
