ەلوردالىق بٸلٸم باسقارماسى بالاباقشا بٶبەكتەرٸنٸڭ قۇرىلىس الاڭىنا قاشىپ كەتكەنٸ ٷشٸن تەربيەشٸ مەن مەڭگەرۋشٸنٸ جاۋاپقا تارتتى, دەپ حاباراليدى قازاقپارات.
«ەلەۋمەتتٸك جەلٸدە №73 «اياۋلىم» بٶبەكجاي-بالاباقشاسى» مكقك جانىنداعى قۇرىلىس الاڭىندا 4 بالا جٷرگەنٸ تۋرالى بەينەماتەريال تارادى. اتالعان فاكتٸ بويىنشا بٸلٸم باسقارماسى №73 «اياۋلىم» بالاباقشاسىنا بارىپ قىزمەتتٸك تەكسەرۋ جٷرگٸزدٸ», - دەپ جاۋاپ بەردٸ قالالىق بٸلٸم باسقارماسى.
تەكسەرۋ بارىسىندا بالاباقشا مەڭگەرۋشٸسٸ ح. د. تايبٶكەنوۆامەن ەڭگٸمە جٷرگٸزٸلٸپ, تٷسٸندٸرمە جازبا الىنعان.
تٶرت بالانىڭ سەرۋەن كەزٸندە بالاباقشا اۋماعىنان قاشىپ كەتكەنٸ انىقتالدى.
بالالار قورشاۋداعى كٸشكەنە تەسٸك ارقىلى شىعىپ كەتكەن. از ۋاقىتتا بالالار كەرٸ قايتارىلعان.
«قازٸرگٸ ۋاقىتتا بالالار باقشادا, ولاردىڭ جاعدايى بٸرقالىپتى. بالاباقشانىڭ مەديتسينا قىزمەتكەرٸ تەكسەرۋ جٷرگٸزدٸ. بٷلدٸرشٸندەردٸڭ دەنەسٸنەن ەشقانداي جاراقات تابىلعان جوق. ٶز لاۋازىمدىق مٸندەتتەرٸنە نەمقۇرايلى قاراۋ فاكتٸسٸ بويىنشا تەربيەشٸ مەن شارۋاشىلىق بٶلٸمٸنٸڭ مەڭگەرۋشٸسٸ تەرتٸپتٸك جاۋاپكەرشٸلٸككە تارتىلدى. بالاباقشا مەڭگەرۋشٸسٸنە قاتىستى بٸلٸم باسقارماسىنىڭ تەرتٸپتٸك كوميسسيياسىنىڭ وتىرىسىندا قاراۋ ٷشٸن ماتەريال دايىندالدى», - دەيدٸ بٸلٸم باسقارماسى.
