Nur-Sultanda aiyna 5 mln maska tigetin qýatty óndiris orny iske qosyldy, dep habarlaidy "Ult aqparat" elorda ákimdiginiń resmi saityna silteme jasap.
Qazirgi ýaqytta kásiporyn synaq rejiminde jumys isteidi.
«10 maýsymda bizge qural-jabdyqtar kele bastady. Sodan keiin ony ázirlep, jumysqa qyzmetkerler qabyldaýǵa kiristik. Al 20 shildeden bastap synaq rejiminde jumysqa kirisip, qyzmetkerlerdi de qatar oqytý bastaldy. Kásiporyn jolaǵy synaq rejiminde eki millionǵa jýyq maska shyǵardy. Tolyq óndiristik qýatyna shyqqanda aiyna bes million maskaǵa deiin tigetin bolady», - dedi «Bolashaq 2019» JShS tehnikalyq direktory Ǵabit Núsipov.
Meditsinalyq maskalardyń ereksheligi - súzgi qabatyna joǵary qorǵanys qasieti bar jáne sý ótkizbeitin material qoldanylady. Qazirgi ýaqytta kásiporynda úsh maýsymda jumys isteidi.
«Biz birgemiz» aktsiiasy aiasynda kásiporyn №12 qalalyq emhanaǵa 5 myń maska jetkizip berdi. Maskalardyń josparlanǵan baǵasy - 55 teńge (kóterme saýda), 60 teńge (bólshek saýda). Betperde satyp alǵysy keletinder «Bolashaq 2019» JShS (TM Bolashak fharma) myna mekenjai boiynsha habarlasa alady: Nur-Sultan q., Baiyrqum kóshesi, 15. Telefon nómiri: 8-701-111-58-64, 8-776-311-58-64, 8-775-672-26-36.
Elordada basqa da birqatar kásiporyn maska tigýmen ainalysady. Sonymen qatar, ákimdik shilde aiynyń ortasynan bastap qalaǵa pnevmoniia, Covid-19 jáne basqa da aýrýlardy emdeý úshin 110 tonnaǵa jýyq dári-dármek jetkizdi.
