Keshe Nur-Sultan qalasynda áiel qudyqqa qulap ketti. Oryn alǵan jaisyz oqiǵaǵa qatysty qalalyq ákimdik túsinikteme berdi, dep habarlaidy "Ult aqparat".
«Áiel qudyqqa túsip ketken aýmaqqa jaýapty merdiger kompaniiamen kelisimshart úzildi. Atalǵan kompaniia jumysynan kemshilik anyqtaldy. Oqiǵa oryn alǵan jer ýchaskesinde jóndeý jumystary bitpegen jáne ol paidalaný balansyna ótpegen. Jergilikti atqarýshy organdar beti ashyq káriz qudyqtaryn jabý jumystaryn kúndelikti negizde júrgizip jatyr», - dedi Nur-Sultan qalasy ákiminiń baspasóz hatshysy Aqmaral Oljabaeva.
Onyń aitýynsha, qalalyq Kólik jáne jol-kólik infraqurylymyn damytý basqarmasy káriz qudyqtaryna qatysty qosymsha tekserý júrgizetin bolady.
Eske sala ketsek, keshe Nur-Sultanda áiel adam qudyqqa qulap ketkeni týraly habarlaǵan bolatynbyz.
«Qutqarý satysynyń jáne qutqarýshylar men politsiia qyzmetkerleriniń birlesken áreketiniń arqasynda áiel adam qudyqtan aman-esen shyǵarylyp, ol jedel járdem qyzmetkerlerine tapsyryldy. Budan soń 1- kóp salaly qalalyq aýrýhanaǵa jetkizilgen. Qazirgi kezde densaýlyq jaǵdaiy qanaǵattanarlyq, úiine jiberildi», - dep habarlaǵan bolatyn Nur-Sultan qalalyq Tótenshe jaǵdai departamenti.
