Elordada avtobýsta ornatylǵan beinebaqylaý kamerasyna túsirilgen videodan urlyq faktisi tirkeldi, dep habarlaidy Nur-Sultan qalalyq PD baspasóz qyzmeti.
Jolaýshy artqy esikten kirip, oryndyqtardyń arasyna qaǵaz paketin qoiǵan. Biraz ýaqyttan keiin kúdikti avtobýsqa kirip, paketti baiqaǵan.
Jolaýshynyń nazary basqa nársede bolǵanyn paidalanyp, ol paketti urlap, avtobýstan shyǵyp ketken.
Urlanǵan zattardyń arasynda - 7 myń teńge kóleminde aqsha, páterdiń kilti men qulaqqap keisi bar.
Jedel-izdestirý sharalary barysynda 31 jastaǵy kúdikti ustaldy, ol óz kinásin moiyndady.
Atalǵan fakti boiynsha qylmystyq is qozǵalyp, ustalǵan adamnyń osyǵan uqsas buryn jasalǵan qylmystarǵa qatysy bar-joǵy anyqtalýda.
