Pavlodarda turǵyndardan kúsh qoldanamyz dep aqsha talap etti degen kúdikpen alty adam ustaldy. Olardyń beseýi ýaqytsha ustaý izoliatoryna qamaldy, dep habarlaidy ult.kz.
Polisia.kz málimetinshe, kúdiktiler bir ai boiy qala turǵyndarynan aqsha bopsalaǵan. Aqsha bermegen jaǵdaida kúsh qoldanyp, dene jaraqatyn keltiremiz dep qorqytqan.
Oblystyq politsiia departamentiniń uiymdasqan qylmysqa qarsy kúres basqarmasy júrgizgen jedel-izdestirý sharalary barysynda kúdiktilerdiń jeke basy anyqtalyp, alty adam ustalǵan.
Bopsalaý faktileri boiynsha qylmystyq ister qozǵaldy. Qazir tergeý amaldary júrgizilip, oqiǵanyń barlyq mán-jaiy anyqtalyp jatyr.
Sonymen qatar ustalǵandardyń osyǵan uqsas basqa qylmystarǵa qatysy bar-joǵy tekserilýde.
