Shymkent–Astana baǵytyndaǵy ushaqta sómkesinde bomba bar dep ázildegen jolaýshy 5 táýlikke ákimshilik qamaýǵa alyndy, dep habarlaidy ult.kz.
Oqiǵa 21 qyrkúiekte Shymkent áýejaiynda bolǵan. Ushýǵa tirkelý kezinde mas kúidegi er adam bagajynda jarylǵysh qurylǵy bar ekenin aitqan.
Áýe kompaniiasy ókilderi jolaýshyny reisten túsirip, kóliktegi politsiia qyzmetkerlerine tapsyrǵan. Onyń zattary tekserilgenimen, qaýipti nemese tyiym salynǵan zattar tabylmady. Politsiia málimetinshe, áýejaida evakýatsiia júrgizilmegen.
Er adam qoǵamdyq orynda alkogol ishkeni jáne usaq buzaqylyq jasaǵany úshin jaýapqa tartyldy. Sot sheshimimen oǵan 5 táýlik ákimshilik qamaý jazasy taǵaiyndaldy.
Kóliktegi politsiia departamenti áýejaida jarylǵysh zat nemese ózge de qaýip týraly «ázildeýdiń» ózi jaýapkershilikke ákelýi múmkin ekenin eskertti.
