Elordadan shyǵatyn aviajolaýshylar COVID-19 koronavirýstyq infektsiiasyna teris nátijeli PTR-testinen (polimerazdy tizbekti reaktsiia) ótkeni týraly anyqtamany ózimen birge alyp júrýge mindetti, dep habarlaidy qala ákimdiginiń resmi saity.
«Bul anyqtama jeti kúnge beriledi. Merzim ótkennen keiin PTR-testileýden qaita ótip, jańa anyqtama alý qajet. Zerthanalardaǵy barlyq zertteýler azamattardyń óz qarajaty esebinen aqyly negizde júrgiziledi», – dep málim etedi elordanyń qoǵamdyq densaýlyq saqtaý basqarmasy.
Nur-Sultanda testileýden ótý úshin zerthanalar meken-jailary men telefondary:
Nur-Sultandaǵy «Olimp» KDL: Respýblika dańǵyly, 2/1; Gete kóshesi, 3; B. Momyshuly dańǵyly, 16; Abylaihan dańǵyly, 12/1; E-10 kóshesi, 2 úi; Mankent tuiyǵy, 2 (mobildi pýnkt).
Testter tek 8 701 961 70 08 (WhatsApp mátindik SMS) telefonyna aldyn ala jazylý arqyly júrgiziledi (http://covid.kdlolymp.kz);
«Ulttyq saraptama ortalyǵy» ShJQ RMK Nur-Sultan qalasy boiynsha filialy: Jeltoqsan kóshesi, 46, tel. 8 (7172) 31-54-09, 8 (7172) 59-00-77.
Koronavirýs infektsiiasynyń ósýine bailanysty elordada «Olimp» KDL zerthanasy COVID-19-ǵa PTR-taldaýlardy aqyly negizde iske qosty. Testileýge qala turǵyndary Smart Astana qosymshasy arqyly «Meditsina» – «COVID-19 testine jazylý» bóliminde jazyla alady. Saýalnama avtomatty túrde «Olimp» KDL zerthanalaryna túsedi. Odan ári meditsinalyq mekeme qyzmetkerleri qońyraý shalyp, emshara kabinetine shaqyrady.
Budan buryn habarlanǵandai, Qazaqstan Prezidenti Qasym-Jomart Toqaevtyń tapsyrmasy boiynsha 1 mamyrdan bastap Nur-Sultan men Almatydan Qyzylorda, Petropavl, Óskemen jáne Semei qalalaryna áýe reisteri ruqsat etiledi. Reister sanitarlyq talaptardyń kúsheitilgen normalarymen, jolaýshylardyń az sanymen jáne salonda erekshe qashyqtyqta otyrǵyzýmen júzege asyrylatyn bolady.
