Nur-Sultanda Aziiadaǵy ózara is-qimyl jáne senim sharalary jónindegi keńes elderiniń ekonomikalyq baǵyttaǵy yntymaqtastyq máseleleri talqylandy, dep habarlaidy "Ult aqparat" QR Syrtqy ister ministrliginiń resmi saityna silteme jasap.
Qazaqstannyń Syrtqy ister ministriniń birinshi orynbasary Shahrat Nuryshev Aziiadaǵy ózara is-qimyl jáne senim sharalary jónindegi keńeske (AÓSShK) múshe jáne baiqaýshy memleketterdiń Qazaqstandaǵy Elshileri jáne ózge de qonaqtar úshin arnaiy uiymdastyrylǵan Diplomatiialyq iskerlik klýbtyń kezekti otyrysyna qatysty.
Sondai-aq, bul is-sharaǵa AÓSShK Hatshylyǵynyń, «Atameken» UKP jáne jergilikti isker toptardyń ókilderi qatysty.
Sh.Nuryshev óz baiandamasynda «qazirgi jaǵdaida AÓSShK elderi arasyndaǵy ekonomikalyq ólshemdegi yntymaqtastyqty nyǵaitý erekshe mańyzǵa ie» ekenin atap ótti. Bul turǵyda ol osy kezdesý, sondai-aq Qazaqstannyń 2020-2022 jyldar aralyǵyndaǵy AÓSShK-ge tóraǵalyǵy aiasynda uiymdastyrylýy josparlanǵan is-sharalarǵa, atap aitqanda iskerlik keńestiń otyrysy, biznes forým, týrizm jónindegi forým siiaqty t.b. is-sharalar múddeli taraptar arasynda iskerlik bailanystar ornatýǵa yqpal etetinine senim bildirdi.
Sonymen birge, Sh.Nuryshev jaqynda AÓSShK-de epidemiologiialyq qaýipsizdik, densaýlyq saqtaý jáne farmatsevtika salasynda jańa senim sharasynyń qabyldanǵanyn habarlap, bul yntymaqtastyq kókjiegin edáýir keńeitetinin jáne AÓSShK elderiniń memlekettik mekemeleri men isker toptary arasynda ózara is-qimyldyń keleshegine úlken jol ashatynyn atap ótti.
Is-shara barysynda AÓSShK Hatshylyǵynyń Atqarýshy direktory Qairat Sarybai, «Atameken» UKP basqarma tóraǵasynyń birinshi orynbasary Nariman Ábilshaiyqov, Diplomatiialyq iskerlik klýbtyń teń tóraǵalary Islambek Saljanov jáne Majarstan Elshisi Mihai Galoshfai, birqatar qazaqstandyq isker top ókilderi de prezentatsiialar jasady.
Jiynǵa qatysýshylar yntymaqtastyqty keńeitýdiń yqtimal joldaryn talqylaý úshin osyndai kezdesýlerdiń paidaly ekendigin atap ótti jáne bolashaqta osy formattaǵy pikirtalastardy jalǵastyrýǵa qyzyǵýshylyq bildirdi.
