Elordadaǵy Dostyq úiinde qazaqtyń uly aqyny jáne oishyly Abai Qunanbaev týraly "Abaidyń ulylyǵy nemese XXI ǵasyrda oishyldyń portretin jasaýǵa talpynys" kitabynyń tusaýkeseri ótti. Is-shara Ázerbaijan Respýblikasynyń elshiligimen birlesip uiymdastyryldy, dep habarlaidy qala ákimdiginiń resmi saity.
Kitap avtory - ázerbaijandyq tarihshy, saiasattanýshy, Ázerbaijan SVS telearnasynyń "Syrtqy ister aspektileri" baǵdarlamasynyń júrgizýshisi, Ázerbaijan memlekettik komitetiniń diasporalarmen jumys jónindegi sarapshysy Teimýr Ataev.
Ol óziniń quttyqtaý sózinde Qazaqstan halqy Assambleiasy – el saiasatyn júzege asyrý úshin qurylǵan, álemde teńdesi joq qoǵamdyq institýt ekenin atap ótti. Ol sondai-aq Dostyq úiiniń ǵimaratynda etnomádeni birlestikterdiń qyzmetin damytý úshin barlyq jaǵdai bar ekenin atap ótti.
Nur-Sultan qalasy Ishki saiasat basqarmasynyń basshysy Dáýren Babamuratov qonaqtarǵa etnosaralyq kelisimniń qazaqstandyq úlgisi týraly aityp, qatysýshylardy kitaptyń tusaýkeserimen quttyqtady.
Is-sharaǵa Qazaqstandaǵy Ázerbaijan Respýblikasy elshiliginiń, elordalyq etnomádeni ortalyqtardyń jáne qalalyq QHA jastar qanattarynyń ókilderi qatysty.
Delegatsiia etnomádeni birlestikterdiń kabinetterinde bolyp, etnostardyń kópǵasyrlyq tarihymen jáne mádenietimen tanysty.
Aita ketý kerek, tarihnamada alǵash ret Abaidyń eskirmeitin oilaryn Quran aiattarymen salystyrýǵa talpynys jasaldy. Oishyl ideialaryn tolyq túsiný úshin avtor qazaq tarihynyń mańyzdy betterine jáne aqyn ómirbaianynyń mańyzdy epizodtaryna júginedi. Onyń pikirinshe, bul Abaidyń barlyq ýaqytta da ózekti bolyp tabylatyn óleń joldaryn tereńirek túsinýge múmkindik beredi.
Ázirbaijan Respýblikasynyń Qazaqstandaǵy Elshiliginiń keńesshisi Rovshan Kiazimov sharany uiymdastyrýshylarǵa alǵysyn bildirdi.
Kezdesý sońynda avtor Dostyq úiine kitap tabystap, oqyrmandarǵa qoltańba qaldyrdy.
