Elordada 330 meditsina qyzmetkerinen koronavirýs anyqtaldy. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qisyqova málim etti, dep habarlaidy "Ult aqparat".
«Jalpy, qala boiynsha meditsina qyzmetkerleri arasynda indetke shaldyǵýdyń 330-ǵa tarta oqiǵasy tirkeldi. Bul óz kezeginde Nur-Sultan qalasyndaǵy barlyq mekemege qatysty, iaǵni respýblikalyq, qalalyq ári vedomstvolyq. Onyń ishinde densaýlyq saqtaý basqarmasy meditsinalyq uiymdary boiynsha 200-ge jýyq. Meditsina qyzmetkerleriniń tek úshten biri koronavirýs infektsiiasynan emdelip jatqan naýqastar bolǵan statsionarlarda jumys istegen», - dedi Sáýle Qisyqova Ortalyq kommýnikatsiialar qyzmetinde.
Sonymen qatar ol elordada meditsina qyzmetkerleri arasynda COVID-19-dan ólim-jitim faktileri tirkelmegenin naqtylady.
Budan buryn habarlanǵandai, elordada virýs juqtyrǵan jalpy 2 620 adam anyqtaldy. Onyń ishinde 270-i bala. 1 829 naýqas nemese 70 paiyzy jazylyp shyqty. Ókinishke qarai, tolyq kólemde júrgizilgen meditsinalyq kómekke qaramastan, 14 adam qaitys boldy.
«Búginde koronavirýs infektsiiasymen 730 naýqas aýrýhanada jatyr. Olardyń ishinde 48-iniń jaǵdaiy aýyr, sonyń arasynda 18 naýqas óte aýyr jaǵdaida. Olardyń ókpeleri jasandy jeldetý apparatyna qosylǵan», - dedi S. Qisyqova.
