ەلوردادا 330 مەديتسينا قىزمەتكەرٸنەن كوروناۆيرۋس انىقتالدى. بۇل تۋرالى نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا مەلٸم ەتتٸ, دەپ حابارلايدى "ۇلت اقپارات".
«جالپى, قالا بويىنشا مەديتسينا قىزمەتكەرلەرٸ اراسىندا ٸندەتكە شالدىعۋدىڭ 330-عا تارتا وقيعاسى تٸركەلدٸ. بۇل ٶز كەزەگٸندە نۇر-سۇلتان قالاسىنداعى بارلىق مەكەمەگە قاتىستى, ياعني رەسپۋبليكالىق, قالالىق ەرٸ ۆەدومستۆولىق. ونىڭ ٸشٸندە دەنساۋلىق ساقتاۋ باسقارماسى مەديتسينالىق ۇيىمدارى بويىنشا 200-گە جۋىق. مەديتسينا قىزمەتكەرلەرٸنٸڭ تەك ٷشتەن بٸرٸ كوروناۆيرۋس ينفەكتسيياسىنان ەمدەلٸپ جاتقان ناۋقاستار بولعان ستاتسيونارلاردا جۇمىس ٸستەگەن», - دەدٸ سەۋلە قيسىقوۆا ورتالىق كوممۋنيكاتسييالار قىزمەتٸندە.
سونىمەن قاتار ول ەلوردادا مەديتسينا قىزمەتكەرلەرٸ اراسىندا COVID-19-دان ٶلٸم-جٸتٸم فاكتٸلەرٸ تٸركەلمەگەنٸن ناقتىلادى.
بۇدان بۇرىن حابارلانعانداي, ەلوردادا ۆيرۋس جۇقتىرعان جالپى 2 620 ادام انىقتالدى. ونىڭ ٸشٸندە 270-ٸ بالا. 1 829 ناۋقاس نەمەسە 70 پايىزى جازىلىپ شىقتى. ٶكٸنٸشكە قاراي, تولىق كٶلەمدە جٷرگٸزٸلگەن مەديتسينالىق كٶمەككە قاراماستان, 14 ادام قايتىس بولدى.
«بٷگٸندە كوروناۆيرۋس ينفەكتسيياسىمەن 730 ناۋقاس اۋرۋحانادا جاتىر. ولاردىڭ ٸشٸندە 48-ٸنٸڭ جاعدايى اۋىر, سونىڭ اراسىندا 18 ناۋقاس ٶتە اۋىر جاعدايدا. ولاردىڭ ٶكپەلەرٸ جاساندى جەلدەتۋ اپپاراتىنا قوسىلعان», - دەدٸ س. قيسىقوۆا.
