Elorda vaktsinalaý kórsetkishteri boiynsha óńirler arasynda kóshbasshylar qatarynda tur. Bul týraly «Ulttyq ǵylymi meditsinalyq ortalyq» aktsionerlik qoǵamynyń basqarma tóraǵasy Abai Baigenjin málimdedi, dep habarlaidy "Ult aqparat".
«Men - «Nur Otannyń» partiialyq komissiiasy jumys tobynyń tóraǵasymyn. Biz qazir elimizdiń barlyq óńirlerinde vaktsinalaý máselesin erekshe baqylaýǵa aldyq. Sandyq derekter qolymyzǵa udaiy túsip turatyndyqtan, jaǵdaidy jaqsy zerttep bilip otyrýǵa múmkindigimiz bar. Elordamyz osy iste kóshbasshylardyń qatarynda turǵany meni qýantqanyn aitqym keledi. Shamasy, elordalyqtar vaktsinanyń mańyzyn sanaly túrde uqqan siiaqty» - dedi Abai Baigenjin dóńgelek ústel barysynda.
Sondai-aq, ol astana turǵyndary vaktsinalaý isinde ózge óńirler men qalalarǵa úlgi bolý kerektigin aitty.
