Nur-Sultan qalasy bas sanitar dárigeriniń jańa qaýlysy boiynsha meshitterde juma namazyn ótkizýge ruqsat berildi, dep habarlaidy "Ult aqparat".
Qaýlyda meshit, shirkeý, sobor, sinagoga siiaqty dini birlestik obektileriniń shtattyq rejimde jumys isteýine ruqsat beriletini aitylǵan.
Ol úshin naqty jumys kestesi men kúsheitilgen sanitarlyq-profilaktikalyq is-sharalar saqtalýy kerek.
Meshitterde saqtyq sharalaryn qatań saqtaý arqyly «juma namazyn» ótkizýge ruqsat berilip otyr.
Al dini ǵimarat janyndaǵy Ashyq jobasyna qatysatyn tamaqtaný oryndarynda eske alý sharalaryn ótkizý úshin kelýshiler sany 30 adamnan aspaýy kerek.
«Meshitter, pravoslav shirkeýleri jáne basqa da dini obektiler aýmaǵynda ashyq aýada betperde rejimi men bir adamǵa keminde 4 metr esebimen áleýmettik qashyqtyqty saqtalmasa, «juma namaz», kúndelikti pravoslavielik duǵa siiaqty ujymdyq dini sharalar ótkizýge tyiym salynady. Dini birlestikter obektileriniń janynda ornalasqan Ashyq jobasyna qatysatyn qoǵamdyq tamaqtaný obektilerinde 30-dan aspaityn adammen eske alýdy ótkizýge ruqsat etilsin», - dep jazylǵan qujatta.
Qaýlynyń tolyq mátinin myna jerden kórýge bolady.
