Nur-Sultan emhanalaryndaǵy josparly qabyldaýlar keiingi shegeriledi. Bul týraly «Qazaqstan» telearnasyndaǵy «Ashyq alań» baǵdarlamasynda QR Densaýlyq saqtaý ministrliginiń resmi ókili Dias Ahmetshárip aitty, dep habarlaidy QazAqparat tilshisi.
«Tótenshe jaǵdaiǵa bailanysty dárigerlerdiń barlyǵy jumyldyryldy. Iaǵni, kezek-kezekpen jumys isteidi. Ministrlik tarapyna olarǵa kóp jaǵdai jasalyp jatyr. Olar maidannyń aldyńǵy shebinde júrgendikten jaǵdai jasaý kerek. Kún tártibi de ózgerdi. Tórt kezekten jumys isteýde. Nur-Sultan men Almaty qalalaryna dárigerler shaqyrylýda», - dedi Dias Ahmetshárip.
Onyń atap ótýinshe, óńirlerde dárigerler jetkilikti. Virýs taraǵan kezde qalai jumys isteý kerektigin biledi.
«Dárigerlerdiń barlyǵy - bilikti mamandar. Soǵan qaramastan kúsheitip jatyrmyz. Ázirshe eki qalada ǵana anyqtalyp otyr. Basqa Qazaqstannyń qalalaryna taralmaýyn tileimiz. Ministrlik tarapynan dárigerlerge tolyqqandy qoldaý bar, yntalandyryp jatyrmyz. Ministrdiń qaýlysy bar. Osyndai jaǵdaida jumys istep jatqan dárigerlerge 2-3 ai boiy jalaqysyn 2-3 ese kóterý máselesi shtabta qarastyrylyp jatyr», - dedi resmi ókil.
