نۇر-سۇلتان ەمحانالارىنداعى جوسپارلى قابىلداۋلار كەيٸنگٸ شەگەرٸلەدٸ. بۇل تۋرالى «Qazaqstan» تەلەارناسىنداعى «اشىق الاڭ» باعدارلاماسىندا قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ دياس احمەتشەرٸپ ايتتى, دەپ حابارلايدى قازاقپارات تٸلشٸسٸ.
«تٶتەنشە جاعدايعا بايلانىستى دەرٸگەرلەردٸڭ بارلىعى جۇمىلدىرىلدى. ياعني, كەزەك-كەزەكپەن جۇمىس ٸستەيدٸ. مينيسترلٸك تاراپىنا ولارعا كٶپ جاعداي جاسالىپ جاتىر. ولار مايداننىڭ الدىڭعى شەبٸندە جٷرگەندٸكتەن جاعداي جاساۋ كەرەك. كٷن تەرتٸبٸ دە ٶزگەردٸ. تٶرت كەزەكتەن جۇمىس ٸستەۋدە. نۇر-سۇلتان مەن الماتى قالالارىنا دەرٸگەرلەر شاقىرىلۋدا», - دەدٸ دياس احمەتشەرٸپ.
ونىڭ اتاپ ٶتۋٸنشە, ٶڭٸرلەردە دەرٸگەرلەر جەتكٸلٸكتٸ. ۆيرۋس تاراعان كەزدە قالاي جۇمىس ٸستەۋ كەرەكتٸگٸن بٸلەدٸ.
«دەرٸگەرلەردٸڭ بارلىعى - بٸلٸكتٸ ماماندار. سوعان قاراماستان كٷشەيتٸپ جاتىرمىز. ەزٸرشە ەكٸ قالادا عانا انىقتالىپ وتىر. باسقا قازاقستاننىڭ قالالارىنا تارالماۋىن تٸلەيمٸز. مينيسترلٸك تاراپىنان دەرٸگەرلەرگە تولىققاندى قولداۋ بار, ىنتالاندىرىپ جاتىرمىز. مينيستردٸڭ قاۋلىسى بار. وسىنداي جاعدايدا جۇمىس ٸستەپ جاتقان دەرٸگەرلەرگە 2-3 اي بويى جالاقىسىن 2-3 ەسە كٶتەرۋ مەسەلەسٸ شتابتا قاراستىرىلىپ جاتىر», - دەدٸ رەسمي ٶكٸل.
