«Ashyq» mobildik qosymshasynyń arqasynda elorda men Almatydaǵy qoǵamdyq oryndardyń jumysy jandanatyn boldy. Bul týraly «Atameken» UKP Basqarma tóraǵasynyń orynbasary Iýliia Iakýpbaeva Ortalyq kommýnikatsiialar ortalyǵynda ótken baspasóz máslihatynda aitty, dep habarlaidy QazAqparat.
«Ótken jyldyń sońynda biznes qaýymdastyqtyń tarapynan Úkimettiń atyna da, Memleket basshysynyń atyna da kóptegen ótinish túsken bolatyn. Óitkeni biznes nysandardyń kóbi jumys istemei turdy. Biliardtar, banket zaldary, kompiýterlik klýbtar men boýlingterdiń jumysyna múldem shekteý qoiylǵan bolatyn. Qazaqstan boiynsha shamamen 15 myń nysan tolyqtai jumys istemeitin. Onyń ústine 14 myńdai nysan aitarlyqtai shekteýlerdi saqtai otyryp jumys isteýge májbúr boldy. Biriniń jumys kúni qysqarsa, taǵy birine demalys kúnderi jumys isteýge tyiym salyndy», - dep eske aldy «Atameken» ókili.
«Ashyq» mobildik qosymshasynyń arqasynda áýeli resepshn qyzmeti bar nysandardyń jumysy jandansa, endi kinoteatrlar men teatrlarǵa da jol ashylmaq.
«17 qańtarda «Ashyq» qosymshasy iske qosyldy. Áýeli resepshn qyzmeti bar nysandardy engizip bastadyq. Iaǵni fitnes-klýbtar, basseinder men spa-ortalyqtar kirdi. Kelesi kezeńde kompiýterlik klýbtar qosyldy. 14 sáýirden beri kinotetarlarǵa jol ashyldy. Almaty men Nur-Sultan qalalarynda kinoteatrlar senbi-jeksenbide jumys istei bastady. Osy qosymshanyń arqasynda kinoteatrǵa kelgen «qyzyl statýsty» tulǵalar tirkele bastady. Olardyń sany kóp bolmasa da, bar ekenin kórdik. Qosymshanyń arqasynda olar nysanǵa kirgizilgen joq. Afishalardy qarasańyzdar jumadan bastap teatrlar elorda men Almatyda ashyla bastaidy. 14 sáýirden beri Aqtóbe, Taraz, Taldyqorǵan, Kókshetaý qosyldy. Qazir atalǵan qalalar boiynsha 619 biznes ókili qatysyp jatyr. Qalǵan qalalar testik rejimde qosyla bastaidy», - dedi Iýliia Iakýpbaeva.
