Óńirlerden Nur-Sultan men Almatyǵa jiberilgen dárigerler megapolisterdegi epidemiologiialyq ahýaldy tekserýge kómektesip jatyr. Bul týraly QR DSM Taýarlar men qyzmetterdiń sapasyn jáne qaýipsizdigin baqylaý komitetiniń tóraǵasy Liýdmila Biýrabekova aitty, dep habarlaidy "Ult aqparat".
«Búginde barlyq qala úshin kadrlyq rezerv jasaqtalǵan. Degenmen dárigerler eki qalada (Nur-Sultan men Almaty) aýrýhanaǵa jatqyzylyp jatqandarmen de, karantinge túsip jatqandarmen de jumys istep úlgerip jatyr. Sanitarlyq-epidemiologiialyq jaǵdaidy kúsheitý úshin Nur-Sultan men Almaty qalalaryna túrli óńirlerden adamdardy issaparǵa jiberdik. Olar blok-beketterde kezekshilik uiymdastyrýǵa jáne epidemiologiialyq ahýaldy tekserýge kómektesip jatyr»,- dedi komitet tóraiymy ministrliktiń Facebook-tegi paraqshasynda «Densaýlyq ministrligi habarlaidy...» degen aidarmen jariialanǵan videoda.
