An-2 ushaǵy áýege kóterilgen kezde elektr jelisi baǵanasyn qaǵyp ketip, "Rodina" agrofirmasynyń territoriiasyna qulady, dep habarlady Sputnik Qazaqstan kásiporyn basshysy Ivan Saýerǵa silteme jasap.
"Ushqan soń, biikke kóterilip úlgermei, qanatymen elektr jelisi baǵanasyna soǵylyp, qulap tústi", - dep, Saýer apattyń mán-jaiyn aitty.
Onyń aitýynsha, qazir elektr jelisine eshqandai qaýip tónip turǵan joq.
Himiialyq óńdeý júrgizgende únemi osyndai jeńil ushaqtar (kýkýrýznik) paidalanylady, deidi Saýer.
"Iá, bul – bizdiń territoriia. Ushaq par aidaityn jerge (daqyldar egilmegen, aramshóp qaptap ketpes úshin ýaqytyly óńdeletin jer) qulady, - dedi agrofirma bastyǵy.
Aita keteiik, 20 maýsymda saǵat 10.00-de Aqmola oblysy Tselinograd aýdany Rodina aýylynan on shaqyrym jerde An-2 ushaǵy qulady. Áýe kemesi egistik alqabynda himiialyq óńdeý júrgizbek bolǵan.
Oqiǵa saldarynan ushaq komandiri qaza tapty. Taǵy eki ekipaj múshesi aýrýhanaǵa jetkizildi. Densaýlyq saqtaý basqarmasynyń málimetinshe, zardap shekkender asa aýyr halde jatyr.
