Aqmola oblysynda dizel otyny bar segiz vagon relsten shyǵyp ketti, dep habarlaidy QTJ baspasóz qyzmeti.
Tótenshe jaǵdai 5 mamyr kúni 01:55-te Nur-Sultan – Kókshetaý temirjol ýchaskesiniń Aqkól stantsiiasynda bolǵan. Júk poiyzynyń segiz vagonynyń beseýi bir qyryna aýdarylyp, dizel otyny tógilgen.
"Atalǵan jaǵdaidy tergeý úshin oqiǵa ornynda arnaiy komissiia quryldy. Tótenshe jaǵdaidyń saldaryn joiý úshin Býrabai jáne Nur-Sultan stantsiialarynyń qalpyna keltirý jáne órt poiyzdary, sondai-aq Aqkól aýdany TJB órt sóndirý mashinalary men personaly jumyldyryldy", - delingen habarlamada.
Qaza tapqandar men zardap shekkender joq.
Baspasóz qyzmetiniń aqparatynsha, júk poiyzynyń apatqa ushyrýyna vagon ramasynyń synýy sebep bolǵan, vagondardyń menshik iesi – "Istkomtrans" JShS.
Tótenshe jaǵdai bolǵan ýchaskede júk jáne jolaýshylar poiyzdarynyń qozǵalysyna kedergi keltirilgen joq.
QTJ atap ótkendei, zańda belgilengen tártippen barlyq shyǵyndy júk vagonynyń menshik iesi óteidi.
