Nur-Sultan kóshelerinen bir myń tonnadan astam qoqys shyǵaryldy, dep habarlaidy "Ult aqparat".
Nur-Sultanda qalany sanitarlyq tazalaý jáne abattandyrý jumystary kún saiyn júrgizilip jatyr. Kommýnaldyq senbilikter bastalǵannan beri 940 tonnadan astam qoqys shyǵaryldy. Al ruqsat etilmegen oryndardan taǵy 72 tonna qoqys tazalandy.
Biyl ekologiiany jaqsartý jáne qala turǵyndaryna qolaily jaǵdai jasaý úshin 1 mln-ǵa jýyq jasyl jelek (aǵashtar, kóshetter, butalar, aǵash sharbaqtar) otyrǵyzý josparlanyp otyr. Qalany taza ustaý jáne abattandyrý jumystary 24/7 rejiminde júrgiziledi.
Sanitarlyq tazalaý jáne abattandyrý
Aýqymdy jumystarǵa kún saiyn jol boiynyń 2 200-den astam jumysshysy jáne bir myńnan astam arnaiy tehnika jumyldyrylady. Onyń barysynda kópirlerdi, qorshaýlardy, jol belgilerin jýý, qoǵamdyq oryndarda (saiabaqtar, skverler, býlvarlar, aýlalar) tazalyq jumystaryn júrgizý, oramishilik abattandyrý, qýrap qalǵan butaqtardy kesý sondai-aq, elorda joldaryn uzaqqa sozylǵan qystan keiin arnaiy sýsabynmen jýý josparlanyp otyr.
Ekologiialyq aktsiialar jáne kommýnaldyq senbilikter
10 sáýirden bastap qalada «Birge taza Qazaqstan» ekologiialyq aktsiiasy ótkizilýde. Osy kezeńde poligonǵa 940 tonnadan astam qaldyq shyǵaryldy. Sanitarlyq normalardy saqtai otyryp, kommýnaldyq senbilikterge PIK, qurylys kompaniialary, shaǵyn jáne orta biznes sýbektileri, belsendi qala turǵyndary jáne taǵy basqa ujymdar belsendi qatysýda.
Mysaly, ákimdiktiń tapsyrmasy boiynsha qurylys kompaniialary aýmaqty qoqystan tazartý jumystaryn júrgizip, dóńgelek jýý pýnkterin ashady, kireberis joldardy tegisteidi. Al abattandyrý erejeleri buzylǵan jaǵdaida qurylys kompaniialary aiyppul tóleidi, tipti jumystaryn toqtatýǵa deiingi sharalar qoldanylady.
Jalpy alǵanda, búginge deiin kommýnaldyq senbilikterge qalanyń 1900-ge jýyq kásiporny men uiymy qatysty. Aýdandyq ákimdikter sondai-aq aǵash otyrǵyzý jumystaryn júrgizip, ruqsat etilmegen oryndardan 72 tonna qoqys shyǵardy.
Aǵash otyrǵyzý
Ekologiiany jaqsartý jáne qala turǵyndaryna qolaily jaǵdai jasaý úshin aǵash otyrǵyzý jumystary júrgizilýde. Biyl barlyǵy 1 mln-ǵa jýyq jasyl jelek (aǵashtar, kóshetter, butalar, aǵash sharbaqtar) otyrǵyzý josparlanyp otyr. Osylaisha, Nur-Sultanda jasyl ekologiialyq aimaqtar paida bolady.
Jol jumystary
Qalada birqatar jol jumystary júrgizilýde: belgiler ornatý, jiektastardy qalpyna keltirý, shuńqyrlardy jóndeý jumystaryn júrgizý. Ótken jyly 170-ten astam kóshe jóndeldi, onyń 100-i turǵyn úi alaptarynda ornalasqan. Biyl sondai-aq qalanyń eski bóligine, turǵyn úi alaptaryna, qozǵalys qarqyndylyǵy joǵary ýchaskelerge jáne taǵy basqasyna basa nazar aýdarylatyn bolady.
