Nur-Sultan qalasynyń prokýrory B. Myrzakerov elordalyqtarǵa úndeý jasady, dep habarlaidy "Ult aqparat".
Áleýmettik jelilerde ekstremistik uiymnyń ideialaryn qoldaityn jekelegen tulǵalar, Nur-Sultan qalasynda zańsyz mitingiler men sherýlerge qatysýǵa shaqyrýlar taratýda. Osyǵan bailanysty, Nur-Sultan qalasy prokýratýrasy mitingilerdi uiymdastyrý jáne ótkizý tártibi 2020 jylǵy 25 mamyrda qabyldanǵan «Qazaqstan Respýblikasynda beibit jinalystardy uiymdastyrý jáne ótkizý tártibi týraly» jańa Zańmen retteletinin túsindiredi.
Bul zań elde beibit jinalystardy uiymdastyrý men ótkizýdi demokratiialandyryp, jeńildetti.
Naqty aitqanda, jinalystar, mitingiler men piketterdi uiymdastyrý jáne ótkizý úshin habarlama jasaý tártibi qarastyrylǵan.
Olardy ótkizý týraly habarlama belgilengen kúnge deiin 5 jumys kúninen keshiktirilmei jergilikti atqarýshy organǵa jazbasha nysanda beriledi.
Onda beibit jinalystyń maqsaty men nysany, uiymdastyrýshylar men qoǵamdyq tártipti saqtaýǵa jaýapty adamdardyń derekteri kórsetiledi.
Atalǵan habarlamany jergilikti atqarýshy organ ony tirkegen kúnnen bastap 3 jumys kúni ishinde qaraýǵa tiis. Osy 3 kún ótkennen keiin jaýap bolmaǵan jaǵdaida, uiymdastyrýshy berilgen habarlamaǵa sáikes beibit jinalys ótkizýge quqyly.
Demonstratsiialar men sherýler kelisý tártibimen ótkiziledi.
Ol úshin uiymdastyrýshy onyń ótkiziletin kúnine deiin 10 jumys kún buryn ótinish berýge, al jergilikti atqarýshy organ ol boiynsha 7 jumys kúni ishinde jaýap berýge mindetti.
Uiymdastyrýshy ótinishte qatysýshylardyń júrý baǵytyn, sondai-aq qoǵamdyq tártipti saqtaýdy, meditsinalyq kómekti uiymdastyrýdy, órt qaýipsizdigin qamtamasyz etýge járdemdesý sharalaryn kórsetedi.
Ótinishti qaraý qorytyndylary boiynsha jergilikti atqarýshy organ uiymdastyrýshyǵa demonstratsiia nemese sherý ótkizý kelisilgeni ne ony ótkizýden bas tartqany týraly habarlaidy
Zań boiynsha beibit jinalystar qatań túrde arnaiy jerlerde jáne qalalyq, aýdandyq máslihattarmen belgilegen marshrýt boiynsha uiymdastyrylýy jáne ótkizilýi tiis.
Óz kezeginde, jergilikti atqarýshy organmen uiymdastyrýshylarǵa beibit jinalystardy ótkizýdi kelisýden bas tartylǵan.
Tiisinshe, Zańdy buza otyryp júrgiziletin beibit jinalystardy uiymdastyrý jáne oǵan qatysý quqyqqa qaishy bolyp tabylady jáne Ákimshilik quqyq buzýshylyq týraly kodekstiń 488-baby boiynsha 25 táýlikke deiin qamaýǵa alý ákimshilik jaýaptylyqqa ákep soǵady.
Eger bul áreketter azamattardyń, uiymdardyń, qoǵamnyń nemese memlekettiń quqyqtary men zańdy múddelerine eleýli ziian keltirýmen qatar júretin bolsa, Qylmystyq kodekstiń 400-baby boiynsha qylmystyq jaýaptylyq týyndaidy, ol aiyppul ne 200 AEK-ke deiingi mólsherde túzeý jumystary nemese 200 saǵatqa deiingi merzimge qoǵamdyq jumystarǵa tartý ne 50 táýlikke deiingi merzimge qamaý túrindegi jazany kózdeidi.
Budan basqa, «Sovid-19» koronavirýstyq infektsiiasynyń pandemiiasyna bailanysty Nur-Sultan qalasynyń Bas memlekettik sanitarlyq dárigeriniń 2021 jylǵy 23 sáýirdegi «Karantindik shekteýlerdi qatańdatý sharalary týraly» qaýlysymen belgilengen adamdar kóp jinalatyn is-sharalardy ótkizýge salynǵan tyiym áli de qoldanysta ekendigin eske salamyz.
Ony saqtamaǵany úshin ákimshilik jáne qylmystyq jaýaptylyq kózdelgen.
Nur-Sultan qalasynyń prokýratýrasy azamattardy qoldanystaǵy zańnama normalaryn múltiksiz saqtaýǵa, arandatýshylyqqa boi aldyrmaýǵa jáne zańsyz aktsiialarǵa qatysýdan bas tartýǵa shaqyrady.
