Turǵyn úi zańnamasyna sáikes kommýnaldyq turǵyn úi qorynan páter muqtajdar esebinde turǵan azamattarǵa beriledi, dep habarlaidy elorda ákimdiginiń resmi saity.
Turǵyn úi máselesi ózekti ekenin eskere otyryp, Úkimet muqtaj azamattardy pátermen qamtý boiynsha sharalar qabyldaýda. Mysaly, 2020-2025 jyldarǵa arnalǵan «Nurly jer» turǵyn úi-kommýnaldyq sharýashylyqty damytý memlekettik baǵdarlamasy qabyldandy. Ony júzege asyrý aiasynda turǵyn úimen qamtamasyz etýdiń birneshe baǵyttary qarastyrylǵan.
Áleýmettik jalǵa beriletin turǵyn úi
Bul baǵyt sheńberinde turǵyn úi halyqtyń áleýmettik osal toptaryna jáne kópbalaly otbasylarǵa kezek tártibimen beriledi. Páterler jaldaý merzimin uzartý quqyǵyn bere otyryp, 5 jylǵa beriledi.
Sondai-aq jumysshy jastarǵa páter jalǵa beriledi (29 jasqa tolmaǵan, Nur-Sultanda keminde eki jyl tirkeýde turǵan jáne QR boiynsha sońǵy eki jylda turǵyn úii joq azamattar). Olarǵa turǵyn úi jalǵa berý merzimin uzartý quqyǵynsyz 5 jylǵa beriledi. Kórsetilgen ýaqyt ishinde azamattyń keiinnen basqa jeke turǵyn úi satyp alý úshin bastapqy jarnaǵa qarjy jinaý múmkindigi bar.
JAO-da kezekte turǵan az qamtamtylǵan otbasylaryn QTQJB arqyly nesielendirý (Baqytty otbasy)
Bul baǵytqa kezekte turǵan kelesi sanattaǵy azamattar qatysa alady:
- kóp balaly otbasylar;
- tolyq emes otbasylar;
- múgedek balalardy tárbielep otyrǵan otbasylar.
Osy baǵyt sheńberinde az qamtylǵan otbasylardy «Qazaqstannyń turǵyn úi qurylys jinaq banki» AQ arqyly jyldyq 2%, bastapqy jarna 10%-dan kem emes bolǵan jaǵdaida 20 jylǵa deiingi merzimge nesie berý kózdelgen.
Sonymen qatar, ákimdik bastapqy jarnanyń bir million teńge kólemindegi bóligin jabý úshin turǵyn úi sertifikattaryn usynýdy qarastyrǵan.
Áleýmettik nesielik turǵyn úi
Bul baǵytqa bank salymshylary bolyp tabylatyn ákimdik kezeginde turǵandar qatysa alady. Osy baǵyt sheńberinde QTQJB qaryz somasynyń keminde 20% bastapqy jarna bolǵan kezde 25 jylǵa deiingi nesie berý merzimimen jyldyq 5%-dan aspaityn mólsherleme boiynsha qaryz beredi.
Aita keteiik, Nur-Sultanda búgingi tańda 46 480 adam kezekte tur. Onyń ishinde kóp balaly otbasylar – 4 319; halyqtyń áleýmettik jaǵynan osal toptary – 17 942, onyń ishinde múgedek balalary bar nemese olardy tárbielep otyrǵan otbasylar – 2 023; jetim balalar-2 692; memlekettik qyzmetshiler men biýdjettik uiymdar qyzmetkerleri – 21 436; jalǵyz turǵyn úii apatty dep tanylǵan azamattar – 91.
Zańǵa sáikes halyqtyń áleýmettik jaǵynan osal toptary (UOS qatysýshylary men múgedekteri; jetim balalar; kóp balaly otbasylar; tolyq emes otbasylar; múgedek balalardy tárbielep otyrǵan otbasylar; jasy boiynsha zeinetkerler; I jáne II toptaǵy múgedekter; oralmandar jáne t.b.), memlekettik qyzmetshiler, biýdjettik uiymdardyń qyzmetkerleri, áskeri qyzmetshiler jáne jalǵyz turǵyn úii apatty dep tanylǵan adamdar kezekke tura alady.
