Nur-Sultan qalasynyń politseileri birneshe ret karantin erejesin buzǵan dámhanalardyń tizimin jariialady, dep habarlaidy "Ult aqparat" Qalalyq politsiia departamentiniń baspasóz qyzmetine silteme jasap.
«Shaýrma» jáne «Barrýs» dámhanalary karantin tártibin buzýdan rekord jasady. 5 shildeden beri «Shaýrma» kafesin tekserý kezinde 16 tártip buzý faktisi, al «Barrýs» kafesinde 6 fakt tirkeldi.
Politsei, epidemiolog, volonter men jergilikti atqarýshy organ ókilinen quralǵan mobildi toptar kún saiyn karantin erejesin buzý faktisin anyqtaý maqsatynda tekserý júrgizedi. Tekserý barysynda politseiler oiyn-saýyq oryndaryna, qoǵamdyq tamaqtaný nysandaryna, saýnalarǵa, monshalarǵa kirip, ielerine qazirgi karantin sharalary týraly eskertedi, sondai-aq zań buzýshylyq faktilerin anyqtaidy.
Tekserý kezinde karantin rejimin buzǵan kóp nysan belgili boldy.
Kóptegen dámhana ieleri men jalǵa alýshylar Nur-Sultan qalasynyń bas sanitariia dárigeriniń qaýlysyn elemei, únemi karantin rejimin buzady.
Jergilikti politsiia qyzmetiniń jetekshisi Ǵosman Jakinniń aitýynsha, karantin tártibin buzý adamdardyń ómirine qaýip tóndiredi.
«Qabyldanǵan sharalarǵa qaramastan, kei kásipkerler karantindi buzýyn qoiar emes. Koronavirýs infektsiiasynyń taralýyn boldyrmaý maqsatynda biz barlyq zańdy sharalardy qoldanyp, ótinishhat jiberemiz, litsenziiasyn da alyp qoiýymyz múmkin», - dep atap ótti ol.
Kóńil kóterý oryndarynyń ielerine qatysty ákimshilik jaýapkershilikke tartý úshin QR ÁQBK 425-baby («karantin rejimin buzý») boiynsha materialdar jinalyp, Taýarlar men kórsetiletin qyzmetterdiń sapasyn baqylaý basqarmasyna jiberiledi.
«Almaty» aýdany:
- «Miata» dámhanasy
- «Marmelad» dámhanasy
- «Kókshetaý» dámhanasy.
«Baiqońyr» dámhanasy:
- «Barrýs» dámhanasy
- «Tsentr plova i shashlyka» dámhanasy
- «Shaýrma» dámhanasy.
«Esil» aýdany boiynsha:
- «Aýra» dámhanasy
- «Shashlychnyi dvor»
- «The dym»
«Saryarqa» aýdany:
- «Ýgol» dámhanasy
- «Anar»dámhanasy
- «Brio» dámhanasy
- «Arbalet» dámhanasy.
