Elorda ákimi Altai Kólginov koronavirýs infektsiiasynyń taralýyna qarsy áreket etý sharalaryn kúsheitý týraly aitty, dep habarlaidy elorda ákimdiginiń baspasóz qyzmeti.
«Qurmetti qala turǵyndary! Búgin, 22 naýryz saǵat 00.00-den bastap qalaǵa kirip-shyǵýǵa tyiym salynady. Qalada ótkizý-baqylaý beketteri ornatyldy. Azyq – túlik pen qajetti taýarlardy tasymaldaýǵa esh kedergi joq. Halyqaralyq áýejaiǵa ushyp kelgen barlyq avijolaýshylar meditsinalyq tekserýden ótedi, test ótkennen keiin ǵana qalaǵa kire alady. Olardyń úi karantininde bolýy shart. Sanitarlyq normalar kúsheitildi. Qala boiynsha dezinfektsiia júrip jatyr. Bul sharalar sizdiń jáne jaqyndaryńyzdyń qaýipsizdigi úshin qabyldandy. Biz birgemiz», - dedi qala ákimi Altai Kólginov.
Elordaǵa kelgen jolaýshylar qala ákimdiginiń engizgen sharalarynyń mańyzdylyǵyn atap ótti.
«Bizdi koronavirýsqa tekserip jatqany qýantady. Saraptamadan ótip qana biz ózimizdiń jáne jaqyndarymyzdyń densaýlyǵy úshin senimdi bolamyz. Ákimdiktiń azamattardy qai elden kelgenine qaramastan barlyǵyn tekserip jatqany durys boldy».
Jańa ereje engizilgen sátten bastap meditsinalyq qyzmetkerler 10 reisti jumysqa aldy, bul 900 adam. Qalada shuǵyl shtab jumys isteidi, koronavirýstyq infektsiia anyqtalǵan jaǵdaiǵa áreketter algoritmi daiyn.
