Qazaqstannyń astanasy Nur-Sultan qalasynda Injenerlik jelilerdi tsifrlandyrý jumystary júrgizilip jatyr. Bul tsifrlandyrý jóndeý jumystaryn ýaqtyly júrgizýge, qajet bolǵan jaǵdaida qýatty ulǵaitýǵa múmkindik beredi. Bul jaily Nur-Sultan qalasynyń ákimi Altai Kólginov habarlady, - dep habarlaidy «Ult aqparat».
Resmi aqparatqa sáikes, astana kósheleri men dańǵyldarynyń astynda myńdaǵan shaqyrym injenerlik jeliler bar. Olardyń barlyǵy – sý, elektr, káriz, bailanys jelileri. Qalanyń tynys-tirshiligi, turǵyndardyń turmys sapasy osy sý, elektr, káriz, bailanys jelileriniń úzdiksiz jumys isteýine tikelei bailanysty.
Nur-Sultan qalasynyń ákimi Altai Kólginovtiń aitýynsha, qazirgi kezde osy jelilerdi tsifrlandyrý jumystary júrip jatyr.
Qaǵaz júzinde injenerlik jelilerdiń ornalasqan jeri men jai-kúii týraly málimetter árdaiym sáikes kele bermeidi. Osyǵan bailanysty turǵyndar arasynda sýsyz, elektr jaryǵynsyz qalyp jatady. Bul jumystyń maqsaty – sonyń barlyǵyn tsifrlandyrýǵa kóshirý. Tsifrlandyrý barlyq injenerlik jelilerdi ashyq kórýge múmkindik beredi. Sol arqyly jelige túsetin salmaq pen ahýal anyq kórinetin bolady. Sol arqyly jelilerdi jóndeý jumystary der kezinde jasalady, ári qýatty ulǵaitýǵa, táýekeldi azaitýǵa jáne jańa nysandardy injenerlik jelilerge qosý protsesin jeńildetýge múmkindik beredi.
Ǵimarattardy salý kezinde uzaq jáne mańyzdy sharalardyń biri – injenerlik jelilerge qosý.
Qala ákiminiń aitýynsha, bul jumystarmen qatar ǵimarattardy, jer ýchaskelerin tsifrlandyrý jumystary júrgiziledi. Onyń ishinde jer ýchaskeleri máseleleri boiynsha memlekettik qyzmetterdi kórsetý onlain rejiminde ótetin bolady. Sol arqyly ǵimarattardy, jer ýchaskeleri onlain formatta baqylaýǵa alynady.
Sonymen qatar astananyń 3D modelin qurý boiynsha jumys júrgizilip jatyr. Al resmi aqapartqa sáikes, dál qazirge deiin qalanyń 50% tsifrlandyryldy. Bul qurylys protsesterin modeldeýge múmkindik beredi. Sondai-aq, aýdandardy mekteptermen, balabaqshalarmen, aýrýhanalarmen jáne basqa da mańyzdy nysandarmen qamtamasyz etý birkelki bólinetin bolady.
Injenerlik jelilerdi tsifrlandyrý jumystary arqyly tótenshe jaǵdai departamenti qaýip qaterlerdi boljaý kartalary jasalady, kásipkerler úshin investkarta, PIK úshin shatyrdy, kommýnikatsiia jelilerin jóndeý boiynsha jumystardy josparlaý júzege asatyn bolady. Sol arqyly jerdiń astynda ne bolyp jatqanyn bilip otyrýǵa múmkindik jasalady.
Kólginovtiń aitýynsha, Tsifrlandyrý – barlyq reformalardyń negizgi elementi.
Aita keteiik, memleket basshysy Qasym-Jomart Toqaev 2020 jylǵy Qazaqstan halqyna Joldaýynda azamattarǵa jaǵdai jasaý úshin tólemderdi tsifrlandyrý boiynsha sharalar qabyldaýdy tapsyrdy. Sonymen qatar tsifrlyq áleýmettik ámiian engizý kerek ekenin aitty.
Memleket basshysynyń tapsyrmasyna sáikes, tsifrlyq damý ministrligi birqatar qyzmetti onlain formatqa ótkizdi. Tipti Egov-ta (elektrondy úkimet portaly) memlekettik qyzmetterdi alýdy jeńildetý úshin biometriia boiynsha bir qadam arqyly tirkelý júzege asyrylady. Sol arqyly kez kelgen azamat biometriialyq sáikestendirýden ótip, ózine qajetti qyzmetke qol qoia alady.
