29 qarashada Qazaqstannyń astanasynda Halyqaralyq energiia únemdeý kúnine (11 qarasha) arnalǵan II {alyqaralyq forým ótedi, dep habarlaidy qalalyq ákimdiktiń baspasóz qyzmeti.
Forýmnyń maqsaty - energiia únemdeý jáne energiia tiimdiligin arttyrý salasyndaǵy máselelerdi talqylaý úshin jyl saiynǵy basty dialog tuǵyrnamasyn nyǵaitý.
Forým jumysyna halyqaralyq sarapshylar, memlekettik organdardyń, halyqaralyq qarjy institýttary men uiymdardyń, biznes-qurylymdar men qoǵamdyq uiymdardyń ókilderi qatysady.
Halyq arasynda energiia únemdeýdi tanymal etý maqsatynda forým uiymdastyrýshylary «Energiia únemdeý balalar kózimen» balalar sýretteriniń respýblikalyq konkýrsyn jáne memlekettik uiymdar arasynda «Eń úzdik energotiimdi biýdjettik mekeme» ataǵyna konkýrs jariialady. Baiqaýǵa qatysý úshin ótinimderdi qabyldaý 2019 jyldyń 10-25 qarashasy aralyǵynda ótedi.
Shara týraly tolyq aqparatty www.eeday.kz saitynan alýǵa bolady.
Forýmdy Qazaqstan Respýblikasy Indýstriia jáne infraqurylymdyq damý ministrliginiń bastamasy boiynsha Dúniejúzilik Banktiń qoldaýymen «Elektr energetikasyn damytý jáne energiia únemdeý institýty» AQ uiymdastyrdy.
