Nur-Sultan qalasynda koronavirýsqa qatysty ahýal turaqsyz bolyp tur. Bul týraly Nur-Sultan qalasynyń bas memlekettik sanitar dárigeri Sarhat Beisenova aitty, dep habarlaidy "Ult aqparat".
«Nur-Sultan qalasynda koronavirýsqa qatysty ahýal turaqsyz bolyp tur. Qala 1,5 ai boiy «qyzyl» aimaqta. Kúnine 300-den 600-ge deiin jaǵdai tirkeledi. Osy jyldyń basynan beri qala boiynsha aýyrǵandardyń sany 26 myńnan asty, pandemiia bastalǵannan beri 44 562 jaǵdai tirkeldi. Onyń ishinde 29 338 simptomy bar jáne 15 224 simptomsyz. Sońǵy 6 kúnde qalada 100 myń turǵynǵa shaqqanda aptalyq syrqattanýshylyq kórsetkishi 320-dan 285-ke deiin azdap tómendegeni baiqaldy. Máselen, bir apta ishinde Covid-19 yqtimal oqiǵalarymen 3 371 jaǵdai tirkelgen. Syrqattanýshylyq kórsetkishi aldyńǵy aptadan 11 paizǵa tómen. Aldyńǵy aptada yqtimal oqiǵalarmen 3 808 jaǵdai tirkeldi. 100 myń turǵynǵa shaqqandaǵy qarqyndy kórsetkish – 283,6, reprodýktivtilik sany - 0,95», - dedi ol elorda ákimdiginde ótken brifingte.
Bas memlekettik sanitar dárigerdiń dereginshe, ótken táýlikte 584 bastapqy jaǵdai tirkeldi. Simptomdary bar - 462, simptomsyz – 122 jaǵdai.
«Qazirgi ýaqytta belsendi oshaqtar sany - 2 553, onyń ishinde úi oshaqtary – 1724, uiymdastyrylmaǵandar arasynda - 824. Meditsinalyq baqylaýda 5 572 bailanysta bolǵan adam bar», - dedi Sarhat Beisenova.
