Elordanyń meditsinalyq oqý oryndarynyń 360-tan astam stýdenti COVID-19 naýqastaryn emdeitin emhanalarda jumys istei bastaidy, - dep habarlandy qala ákimdiginiń resmi saitynda.
Olarǵa elordalyq dárigerlermen birdei eńbek jáne demalys jaǵdaiy qarastyrylǵan.
Elordanyń meditsinalyq mekemelerine 363 jas maman, onyń ishinde 226 intern, 113 rezident, 18 bakalavr, 5 magistrant jáne bir doktorantýra túlegi jumysqa ornalastyryldy. Jas mamandar qalalyq aýrýhanalar, emhanalar, dispanserler men qalalyq jedel járdem stantsiiasyna jumysqa ornalasady.
Qazirgi ýaqytta jas mamandardyń 43-i qalalyq juqpaly aýrýlar ortalyǵy men «Ramada Plazadaǵy» provizorlyq statsionarda orta jáne kishi meditsina qyzmetkeri (maman sertifikaty joq) retinde jumys istep jatyr.
«Men elordalyq jańa juqpaly aýrýlar aýrýhanasynda meiirbike bolyp isteimin. Bizdiń dárigerlerdiń qatty kúizelgenin kórip otyrmyz. Sondyqtan, osy qiyn kúnderde biz jumysqa shyǵyp, koronavirýs infektsiiasymen aýyratyn naýqastarǵa kómektesýdemiz. Biz dárigerlerdiń basshylyǵymen ártúrli protsedýralyq tapsyrmalardy oryndaimyz. Biz dári tamyzǵysh qoiyp, ekpe jasap, naýqastardyń jaǵdaiyn qadaǵalaimyz», – deidi jas maman Jandos Nasybaev.
Sonymen qatar Nur-Sultanda meditsina ýniversiteti men kolledjiniń 200-den astam túlegi pandemiia jaǵdaiynda jumys isteýge oqytyldy. Dárigerler jas áriptesterimen tájiribe bólisti. Qazirgi ýaqytta olardyń barlyǵy jumysqa alynǵan jáne COVID-19-ben kúresýge atsalysyp júr.
«Búginde barlyq meditsina qyzmetkerleri koronavirýs infektsiiasymen kúreste aldyńǵy qatarda. Jas mamandar, stýdentter de shet qalmai, bizdiń dárigerlerge belsendi kómektesýde. Tájiribelik sabaqtyń aiasynda olar koronavirýs infektsiiasymen aýyratyn naýqastarǵa kómek kórsetý úshin qalanyń meditsinalyq mekemelerine barady. Jalpy, meditsina ýniversiteti men kolledjiniń 500-den astam túlegi COVID-19-ben kúresýge atsalysady», – dedi Nur-Sultan qalalyq densaýlyq saqtaý basqarmasy basshysynyń mindetin atqarýshy Áliia Rústemova.
Ár meditsina uiymynda jas mamandarǵa keńes beretin aǵa maman bar. Barlyq mamandar qajetti jeke qorǵanys quraldarymen qamtamasyz etiledi.
