Elordada karantin rejimine orai azamattardy qabyldaý onlain ótip jatyr. Búgin elorda ákimi Altai Kólginov azamattardy onlain-formatta jeke qabyldady, - dep habarlandy ákimdiktiń resmi saitynda.
Turǵyndar turǵyn úi baǵdarlamalaryna qatysý, áleýmettik kómek alý, qurylysy uzaqqa sozylǵan nysandardyń qurylysyn aiaqtaý, sport salasyn damytý, jumysqa ornalasý jáne t. b. máselelerdi kóterdi.
«Osyndai qiyn-qystaý kezde bizdi jalǵyz qaldyrmai, kómek kórsetkenderińiz úshin alǵys bildiremiz. 42,5 myń teńge kólemindegi áleýmettik kómekti aldyq. Nur Otan partiiasy da kómek kórsetip, 50 myń teńge aýdardy. Ákimdik pen eriktiler de kómektesti, azyq-túlik pen meditsinalyq maskalardy ákeldi. Sharalardyń barlyǵy ýaqytyly kórsetildi. Azamattardy qabyldaý toqtap qalmai, ótkizile bergeni durys. Keri bailanysty sezinemiz», - dedi qala turǵyndary onlain qabyldaý barysynda.
Memleket basshysynyń tapsyrmasyna sáikes 42,5 myń teńge kóleminde áleýmettik tólem alýshylardyń tizimi keńeitildi. 29 sáýirdegi derekterge sáikes elordada 42,5 myń teńge kólemindegi áleýmettik tólemdi 284 myńnan astam adam aldy, bul 12 milliard teńgeden astam qarajat. Elbasynyń tapsyrmasyna sáikes qalada birinshi kezeń aiasynda 14,5 myń turǵyn 50 myń teńge kóleminde materialdyq kómek aldy.
Ekinshi kezeń boiynsha tólem berý bastaldy. 28 myńnan astam turǵynǵa shamamen 1,4 mlrd teńge kóleminde materialdyq kómek kórsetiledi. Kómekti az qamtylǵan otbasylar, erekshe qajettiligi bar turǵyndar ( 1,2 toptaǵy erekshe qajettiligi bar azamattar, erekshe qajettiligi bar zeinetkerler, ataýly áleýmettik kómek alatyn turǵyndar), erekshe qajettiligi bar balany kútýmen ainalysatyn ata-analar (AÁK alýshylar), zeinetkerler (eń tómengi jáne tómen zeinetaqy alatyndar), jetimder, Uly Otan soǵysynyń qatysýshylary, Uly Otan soǵysynyń múgedekteri jáne olarǵa teńestirilgen tulǵalar, tyl eńbekkerleri alady.
Halyqty qoldaýdyń basqa da sharalary qolǵa alyndy. Ataýly áleýmettik kómek kórsetilip, azyq-túlik sebetteri men meditsinalyq maskalar taratylyp jatyr. Azamattardy onlain-formatta qabyldaý turaqty negizde ótkiziledi.
