Qala basshylyǵy halyqty dári-dármekpen qamtamasyz etý úshin ýaqtyly shara qabyldaýda, dep habarlaidy "Ult aqparat" elorda ákimdiginiń resmi saityna silteme jasap.
Ákimdik qalalyq dárihanalarda virýsqa qarsy dári-dármekterdiń bolýyn únemi qadaǵalap otyrady. Elordada koronavirýs infektsiiasy jaǵdailarynyń kóbeiýine bailanysty virýstyq infektsiialyq aýrýlardyń aldyn-alý úshin qajetti dári-dármekpen qamtamasyz etýge erekshe nazar aýdarý qajet.
«Elordalyq dárihanalarda turǵyndarǵa qajetti barlyq dári-dármek bolýy kerek. Dári-dármektiń negizgi assortimentiniń bolýyn baqylaý qajet. Dárihanalarǵa dárini ýaqtyly jáne jetkilikti mólsherde satyp alý kerek», – dedi Nur-Sultan ákiminiń orynbasary Baqtiiar Máken dárihana jelileri basshylarymen onlain-kezdesýde.
«Biz kóterme dárihana uiymdaryna Nur-Sultan qalasynyń dárihanalyq uiymdaryna dári-dármek pen meditsinalyq maqsattaǵy buiymdardy úzdiksiz jetkizýdi uiymdastyrýdy tapsyramyz», – dep atap ótti B.Máken.
«Nur-Sultan qalasynyń farmatsevtikalyq assotsiatsiiasy» zańdy tulǵalar qoǵamdyq birlestiginiń direktory Gúlnarai Almýrzinanyń aitýynsha, keibir dári-dármektiń tapshylyǵy baiqalady.
«Ótken aptadan bastap qala turǵyndary virýsqa qarsy preparattar, azitromitsin antibiotikterin satyp aldy. Biz analiz júrgizip, dári-dármektiń 41 ataýy kórsetilgen keste qurdyq. Memlekettik agenttiktiń dári-dármekti halyqqa qansha mólsherde taratýǵa bolatyny týraly memorandýmǵa qol qoiatyn boldyq. Al antibiotikter men retsept boiynsha dári-dármek burynǵydai dárigerdiń nusqaýymen ǵana satylady», – dedi G.Almýrzina.
Sonymen birge, ol dene qyzýyn túsiretin dári-dármek jetispeýshiligin eskere otyryp, olardyń balama nusqasy bar ekenine nazar aýdardy: «Panadol», «Eferalgan», «Ibýprofen», «Ibýfen», «Mig», «Novigan» - olar dárihanada bar.
24 maýsymdaǵy jaǵdai boiynsha, qalada koronavirýs juqtyrýdyń 3484 jaǵdaiy tirkelgen.
Onyń ishinde 2 501 naýqas (69%) emdelip shyqty jáne 38 ólim jaǵdaiy (1,1%) oryn aldy. Kúndelikti pnevmoniiamen aýrýhanaǵa túsetin naýqastardyń sany artty, olardyń ár ekinshisi virýstyq pnevmoniia. Onyń 90-ynyń jaǵdaiy ortasha aýyr.
Osyǵan bailanysty meditsinalyq uiymdar men dárigerlerge aýyr jumys júkteledi.
Ákimniń orynbasary azamattardy koronavirýs infektsiiasyn juqtyrmas úshin qatań sanitarlyq qaýipsizdik sharalaryn saqtaýǵa shaqyrdy: maska, qolǵap kiip, qoldy sabynmen jii jýyp, áleýmettik qashyqtyq saqtaý qajet.
