قالا باسشىلىعى حالىقتى دەرٸ-دەرمەكپەن قامتاماسىز ەتۋ ٷشٸن ۋاقتىلى شارا قابىلداۋدا, دەپ حابارلايدى "ۇلت اقپارات" ەلوردا ەكٸمدٸگٸنٸڭ رەسمي سايتىنا سٸلتەمە جاساپ.
ەكٸمدٸك قالالىق دەرٸحانالاردا ۆيرۋسقا قارسى دەرٸ-دەرمەكتەردٸڭ بولۋىن ٷنەمٸ قاداعالاپ وتىرادى. ەلوردادا كوروناۆيرۋس ينفەكتسيياسى جاعدايلارىنىڭ كٶبەيۋٸنە بايلانىستى ۆيرۋستىق ينفەكتسييالىق اۋرۋلاردىڭ الدىن-الۋ ٷشٸن قاجەتتٸ دەرٸ-دەرمەكپەن قامتاماسىز ەتۋگە ەرەكشە نازار اۋدارۋ قاجەت.
«ەلوردالىق دەرٸحانالاردا تۇرعىندارعا قاجەتتٸ بارلىق دەرٸ-دەرمەك بولۋى كەرەك. دەرٸ-دەرمەكتٸڭ نەگٸزگٸ اسسورتيمەنتٸنٸڭ بولۋىن باقىلاۋ قاجەت. دەرٸحانالارعا دەرٸنٸ ۋاقتىلى جەنە جەتكٸلٸكتٸ مٶلشەردە ساتىپ الۋ كەرەك», – دەدٸ نۇر-سۇلتان ەكٸمٸنٸڭ ورىنباسارى باقتييار مەكەن دەرٸحانا جەلٸلەرٸ باسشىلارىمەن ونلاين-كەزدەسۋدە.
«بٸز كٶتەرمە دەرٸحانا ۇيىمدارىنا نۇر-سۇلتان قالاسىنىڭ دەرٸحانالىق ۇيىمدارىنا دەرٸ-دەرمەك پەن مەديتسينالىق ماقساتتاعى بۇيىمداردى ٷزدٸكسٸز جەتكٸزۋدٸ ۇيىمداستىرۋدى تاپسىرامىز», – دەپ اتاپ ٶتتٸ ب.مەكەن.
«نۇر-سۇلتان قالاسىنىڭ فارماتسەۆتيكالىق اسسوتسياتسيياسى» زاڭدى تۇلعالار قوعامدىق بٸرلەستٸگٸنٸڭ ديرەكتورى گٷلناراي المۋرزينانىڭ ايتۋىنشا, كەيبٸر دەرٸ-دەرمەكتٸڭ تاپشىلىعى بايقالادى.
«ٶتكەن اپتادان باستاپ قالا تۇرعىندارى ۆيرۋسقا قارسى پرەپاراتتار, ازيتروميتسين انتيبيوتيكتەرٸن ساتىپ الدى. بٸز اناليز جٷرگٸزٸپ, دەرٸ-دەرمەكتٸڭ 41 اتاۋى كٶرسەتٸلگەن كەستە قۇردىق. مەملەكەتتٸك اگەنتتٸكتٸڭ دەرٸ-دەرمەكتٸ حالىققا قانشا مٶلشەردە تاراتۋعا بولاتىنى تۋرالى مەموراندۋمعا قول قوياتىن بولدىق. ال انتيبيوتيكتەر مەن رەتسەپت بويىنشا دەرٸ-دەرمەك بۇرىنعىداي دەرٸگەردٸڭ نۇسقاۋىمەن عانا ساتىلادى», – دەدٸ گ.المۋرزينا.
سونىمەن بٸرگە, ول دەنە قىزۋىن تٷسٸرەتٸن دەرٸ-دەرمەك جەتٸسپەۋشٸلٸگٸن ەسكەرە وتىرىپ, ولاردىڭ بالاما نۇسقاسى بار ەكەنٸنە نازار اۋداردى: «پانادول», «ەفەرالگان», «يبۋپروفەن», «يبۋفەن», «ميگ», «نوۆيگان» - ولار دەرٸحانادا بار.
24 ماۋسىمداعى جاعداي بويىنشا, قالادا كوروناۆيرۋس جۇقتىرۋدىڭ 3484 جاعدايى تٸركەلگەن.
ونىڭ ٸشٸندە 2 501 ناۋقاس (69%) ەمدەلٸپ شىقتى جەنە 38 ٶلٸم جاعدايى (1,1%) ورىن الدى. كٷندەلٸكتٸ پنەۆمونييامەن اۋرۋحاناعا تٷسەتٸن ناۋقاستاردىڭ سانى ارتتى, ولاردىڭ ەر ەكٸنشٸسٸ ۆيرۋستىق پنەۆمونييا. ونىڭ 90-ىنىڭ جاعدايى ورتاشا اۋىر.
وسىعان بايلانىستى مەديتسينالىق ۇيىمدار مەن دەرٸگەرلەرگە اۋىر جۇمىس جٷكتەلەدٸ.
ەكٸمنٸڭ ورىنباسارى ازاماتتاردى كوروناۆيرۋس ينفەكتسيياسىن جۇقتىرماس ٷشٸن قاتاڭ سانيتارلىق قاۋٸپسٸزدٸك شارالارىن ساقتاۋعا شاقىردى: ماسكا, قولعاپ كيٸپ, قولدى سابىنمەن جيٸ جۋىپ, ەلەۋمەتتٸك قاشىقتىق ساقتاۋ قاجەت.
