Elorda ákimdiginiń baspasóz qyzmeti áleýmettik jelidegi «halyqqa ý shashty» dep dabyl qaqqan beinejazbaǵa túsinikteme berdi, dep habarlaidy "Ult aqparat"
Videoda er adam túngi ýaqytta dári shashyp júrgen jumysshylarǵa «halyqqa ý shashyp júrsińder» dep urysady.
«Videoda masa men shybyn-shirkeidi ýlaý sáti túsirilgen. «Elordalyq dezinfektsiia» JShS dezinsektsiialyq jumysty Qorshaǵan ortany qorǵaý jáne tabiǵatty paidalaný basqarmasymen birlesip júrgizip jatyr. Bul rette dezinsektorlar adam, janýar jáne ósimdik úshin qaýipsiz eritindini qoldanady. Jumystar túngi jáne tańǵy ýaqytta júrgiziledi. Aita keteiik, jalǵan aqparat taratqany úshin jaýapkershilik qarastyrylǵan», - dep jaýap berdi astana ákimdigi.
Aita keteiik, ashyq statsiialardaǵy dizinsektsiialyq is-sharalar elordanyń ortalyǵynan bastap, shetki aimaqtarǵa deiin júrgiziledi.
«Qalanyń shet aimaqtarynan masalar men shirkeilerdiń jappai ushyp kelýine jol bermeý maqsatynda elorda mańyndaǵy qorǵanys tosqaýyldary turaqty negizde júrgiziledi. Óńdeý jumystary mamandandyrylǵan dezinfektsiialyq mashinalar men termogeneratorlardyń kómegimen, hlorpirifos jáne malation belsendi zatymen FOQ (fosfor organikalyq qosylystar) klasynyń insektitsidtik preparattaryn qoldaný arqyly júzege asyrylady», - dep habarlady ákimdik.
